Rasijskija telehram-kanały paviedamlajuć, što ściah RF, jaki visieŭ nad budynkam abłasnoj administracyi akupavanaha Chiersona, źnik.

Paźniej kiraŭnik Chiersonskaha abłsavieta Jury Sabaleŭski paćvierdziŭ, što fota budynka abłasnoj administracyi zroblena siońnia, 3 listapada.

«Chierson byŭ, jość i budzie ŭkrainskim», — padkreśliŭ Sabaleŭski.

Taksama paviedamlajecca, što źnikli i błokpasty ŭ vakolicach akupavanaha horada: u Čarnabajeŭcy, Ściapanaŭcy i ŭ Biełaziorcy.

Raniej rasijskaja akupacyjnaja administracyja nastojliva rekamiendavała žycharam pravabiarežnaj častki Chiersonskaj vobłaści evakujavacca. Akramia taho, rasijanie abviaścili prymusovuju evakuacyju 15-kiłamietrovaj zony ŭzdoŭž levaha bieraha Dniapra. Ekśpierty paličyli, što rasijanie takim čynam rychtujuć adstupleńnie z pravaha bieraha i novuju liniju abarony pa Dniapry.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?