Fota: Ministerstva abarony Biełarusi
Pa słovach Šajhu, heta asabliva važna na fonie rostu napružanaści, rujnavańnia asnovaŭ stratehičnaj stabilnaści, źnižeńnia roli mižnarodnych instytutaŭ i ŭzmacnieńnia kanfrantacyi pamiž Zachadam i Rasijaj.
Jon padkreśliŭ, što dziela ŭmacavańnia abaronazdolnaści z 22 kastryčnika na terytoryi Biełarusi pravodziacca mierapryjemstvy bajavoha zładžvańnia złučeńniaŭ i voinskich čaściej rehijanalnaj hrupoŭki vojskaŭ.
«Praciahvajem farmavać adzinuju abaronnuju prastoru. Pryniataja supolnaja Vajennaja daktryna, viadziecca sumiesnaje vajennaje płanavańnie, funkcyjanujuć rehijanalnyja hrupoŭki vojskaŭ, a taksama adzinaja sistema supraćpavietranaj abarony», — skazaŭ Siarhiej Šajhu.
Šajhu taksama vykazaŭ zakłapočanaść tym, što kolkaść hrupoŭki NATA ź lutaha 2022 hoda ŭ Jeŭropie vyrasła ŭ 2,5 razu i składaje bolš za tryccać tysiač čałaviek, a ŭ bližejšaj pierśpiektyvie moža jašče pavialičycca. Varta adznačyć, što paralelna ŭ Rasii, tolki pa aficyjnych źviestkach, u armiju mabilizavali 300 tysiač čałaviek. U realnaści, pa acenkach analitykaŭ, kolkaść pryzvanych moža składać kala 500 tysiač.
«U takim vypadku pad udaram moža apynucca Biełaruś, tamu pryjarytetnaj zadačaj źjaŭlajecca harantavańnie vajennaj biaśpieki Sajuznaj dziaržavy», — zajaviŭ Šajhu.
Alaksandr Łukašenka anansavaŭ, što ŭ Biełaruś prybuduć 9 tysiač rasijskich sałdat. Hetuju ličbu niemahčyma niezaležna pravieryć. Raniej Minsk nie raz raspaŭsiudžvaŭ zaviedama chłuślivyja źviestki. Tak, napiaredadni napadu Rasii na Ukrainu ŭ lutym 2022-ha minskaja administracyja zapeŭnivała, što rasijskija vojski prybyli ŭ Biełaruś na vučeńni i pakinuć krainu adrazu paśla ich. Adnak u vyniku tyja Biełaruś nie pakinuli, zatoje pierajšli miažu z Ukrainaj.
Ludzi na miescach adznačajuć, što ŭ biełaruskaj kamiendatury i ŭnutranych vojskaŭ nie atrymlivajecca trymać vialikuju kolkaść ruskich u poŭnym padparadkavańni, i ŭ «mobikaŭ» užo ŭźnikali kanflikty ź miascovym nasielnictvam pad Baranavičami.
Raniej «Naša Niva» paviedamlała, što ŭ Biełarusi płanujecca rychtavać vialikija masy mabilizavanych rasijan.
Stała viadoma pra heta paśla paviedamleńniaŭ ab reziervavańni vajskoŭcami prapusknych zdolnaściaŭ Biełaruskaj čyhunki.
«Pa majoj infarmacyi, idzie padrychtoŭka dla pryniaćcia rasijskich mabilizavanych na biełaruskich palihonach, vučebnych centrach i vajskovych čaściach. U nas jość i miescy dla trenirovak, i instruktary. Mahčyma, Rasija patrabuje ad Łukašenki, kab navučańnie častki mabilizavanych rasijskich vajskoŭcaŭ prachodziła ŭ Biełarusi i pravodzili jaho biełaruskija siłaviki», — vykazvaŭ mierkavańnie surazmoŭca «Našaj Nivy» ź liku dziejnych aficeraŭ.
Čytajcie taksama:
Rasijskaje Minabarony aficyjna zajaviła pra spynieńnie mabilizacyi
ISW: Pucinskaja mabilizacyja dazvolić tolki zachavać kolkaść armii va Ukrainie na ciapierašnim uzroŭni
Krynicy: Rašeńnie ab mabilizacyi ŭ Biełarusi pryniataje. Jana projdzie pad vyhladam pravierki bajazdolnaści
