Hramadzianina Biełarusi pa padazreńni ŭ špijanažy 15 lutaha zatrymała Słužba dziaržbiaśpieki Łatvii (SDB) sumiesna z raźviedkaj.

Śpiecsłužby vyśvietlili, što jon tajemna fatahrafavaŭ i zdymaŭ na videa abjekty łatvijskaj abaronnaj sistemy, krytyčnaj infrastruktury elektrazabieśpiačeńnia, a taksama važnyja abjekty hramadzianskaj infrastruktury pa daručeńni biełaruskaj vajennaj raźviedki.

Usiaho biełarusu ŭdałosia zdabyć infarmacyju jak minimum pra 17 abjektaŭ dziaržaŭnaha značeńnia.

Pa acency SDB, infarmacyja moža pradstaŭlać važnaść jak dla biełaruskich, tak i dla rasijskich vajskoŭcaŭ. Naprykład, danyja mohuć być vykarystany ŭ vypadku mahčymaha vajennaha kanfliktu z NATA, u tym liku z Łatvijaj, dla płanavańnia dyviersij abo napadaŭ na vajennyja abjekty i krytyčnuju infrastrukturu krainy.

Śledčyja taksama vyśvietlili, što zatrymany byŭ zavierbavany i navučany na terytoryi Biełarusi. Jaho zaklučyli pad vartu i vystavili abvinavačvańnie ŭ špijanažy. 28 kastryčnika adbyŭsia sud.

Клас
10
Панылы сорам
0
Ха-ха
0
Ого
0
Сумна
0
Абуральна
0