Pucin na Mižnarodnaj dyjamientavaj kanfierencyi ŭ Ńju-Deli, Indyja. 11 śniežnia 2014 hoda. Fota: Associated Press

Pucin na Mižnarodnaj dyjamientavaj kanfierencyi ŭ Ńju-Deli, Indyja. 11 śniežnia 2014 hoda. Fota: Associated Press

Mižnarodnaje enierhietyčnaje ahienctva (MEA) ŭ svaim štohadovym ahladzie vielmi jasna pakazała: vajna va Ukrainie nazaŭždy źmianiła enierhietyčny łandšaft.

Śviet sutyknuŭsia z sapraŭdy hłabalnym enierhietyčnym kryzisam. Rynki i handlovyja patoki nie viernucca da raniejšaha stanu. Žurnalistka robić vysnovu, što vykarystańnie vykapniovaha paliva dasiahnie piku ciaham dziesiacihodździa.

Stanoŭčaja dynamika dla vuhalu časovaja, załataja era hazu skončyłasia.

I toj, chto prajhraje, vidavočna — heta Rasija.

Zaležnaja ad vuhlevadarodaŭ ekanomika Rasii była ŭraźlivaj zadoŭha da ŭvarvańnia va Ukrainu. Maskva amal nie rabiła namahańniaŭ, kab adaptavacca da klimatyčnych vyklikaŭ, u toj čas jak jaje klučavyja klijenty rabili heta, raźličvajučy na dachody ad nafty i pieraaceńvajučy rolu hazu jak paliva pierachodnaha pieryjadu.

Rasija nikoli nie vierniecca da ekspartu vykapniovaha paliva na ŭzroŭni 2021 hoda. Dola Rasii na mižnarodnym rynku hazu skarocicca z 30% u minułym hodzie da 15% da 2030 hoda.

Letaś kraina ekspartavała bolš za 7 miljonaŭ baralaŭ nafty za dzień, ale, pavodle acenak MEA, da 2030 hoda ekspart źnizicca na čverć navat pry najlepšym scenary. Užo ŭ siaredzinie 2020-ch Paŭnočnaja Amieryka budzie ekspartavać bolš nafty, čym Rasija.

Rasija raniej abviarhała zmročnyja prahnozy MEA. Nieŭzabavie paśla pačatku vajny ahienctva zajaviła, što ekspart nafty nieadkładna ŭpadzie na čverć, bo pakupniki buduć paźbiahać Maskvy. Hetaha nie adbyłosia. Ale z trajektoryjaj raźvićcia padziej ciažka nie pahadzicca — Rasija ź ciažkaściu pieraaryjentuje svoj haz na Aziju, a ekspart vuhalu strymlivajecca čyhunačnymi i inšymi łahistyčnymi prablemami.

Zmročnaja pierśpiektyva budučyni rasijskaj vytvorčaści ŭskładniajecca adsutnaściu dostupu da zachodniaha kapitału, ich pastaŭščykoŭ pasłuh i technałohijaŭ. Bieź ich Maskva nie zmoža asvoić novyja naftavyja radoviščy i pašyryć vytvorčaść zvadkavanaha pryrodnaha hazu.

Клас
17
Панылы сорам
0
Ха-ха
2
Ого
0
Сумна
0
Абуральна
0