Pa rasparadžeńni namieśnika načalnika Biełaruskaj čyhunki Ihara Kazłoŭskaha, byli padrychtavanyja śpisy rabotnikaŭ BČ, jakija naradzilisia va Ukrainie, paviedamlaje kanał.
Pavodle infarmacyi @belzhd_live, rabotnikaŭ, jakija naradzilisia va Ukrainie (naprykład, pierasialency z Danbasa), vyklikajuć u abłasnyja ŭpraŭleńni KDB i raspytvajuć pra svajakoŭ va Ukrainie, što tyja raspaviadajuć, zadajuć inšyja pytańni.
Hramadzian Biełarusi taksama pytajucca, ci hałasavali na vybarach 2020 hoda, za kaho hałasavali, cikaviacca staŭleńniem da vajny i h. d.
«U pracesie apytańnia pravodzicca analiz na schilnaść da «zdrady dziaržavie». Pry jakich-niebudź padazreńniach z boku KDB, rabotnikaŭ adpraŭlajuć na palihraf», — piša kanał.
Ab padobnych dziejańniach u dačynieńni da ŭradžencaŭ Ukrainy ŭ inšych arhanizacyjach raniej nie paviedamlałasia.
Supolnaść čyhunačnikaŭ padčas vajny raspaŭsiudžvaje važnyja insajdy ab pieramiaščeńni rasijskaj techniki pa Biełarusi.
