Tym, chto čakaje ad kanstytucyjnaj reformy asłableńnia jahonaj asabistaj ułady, čakać hetaha, pavodle Łukašenki nie varta:
«UNS budzie tolki zajmacca stratehijaj i kantrolem za vykanańniem hetaj stratehičnaj zadačy. Tamu jak kiraŭnikom dziaržavy byŭ prezident, jon i zastaniecca», — skazaŭ jon. Toje ž samaje budzie datyčyć i tych, chto ŭznačalić krainu paśla jaho.
Što tyčycca prezidenckich vybaraŭ, to Alaksandr Łukašenka skazaŭ, što pakul zastajecca farmalna tak, jak było: «Narod budzie abirać prezidenta». Ale samomu jamu bolš daspadoby kitajski varyjant, dzie staršynia KNR ŭchvalajecca «prafiesijanałami», to-bok śpiecyjalna adabranymi kamunistyčnaj partyjaj členami Usiekitajskaha schodu narodnych pradstaŭnikoŭ.
«Mahčyma, i nam treba było da hetaha pryjści. Ja prychilnik hetaha. Ale ja adčuŭ i zrazumieŭ, što narod naš jašče nie hatovy da taho, kab addać svajo prava kamuści, navat davieranym asobam UNS, abirać prezidenta. Važna časam nie ŭ jakoj formie ty prezidenta abiraješ, a jakija funkcyi i paŭnamoctvy jon moža mieć», — padkreśliŭ Łukašenka.
Pry hetym jon admaŭlaje vidavočny fakt, što UNS farmujecca čynoŭnikami, a nie narodam: «UNS — heta vybarny orhan. Usio budzie iści ad naroda. I niama takoj nieabchodnaści Łukašenku tam usich pryznačać». Praŭda, pry hetym jon upeŭnieny, što apazicyja ŭ hety «vybarny orhan» trapić nie moža: «Heta dakładna. Ich nichto nie abiare. Heta vorahi naroda. Voraham naroda tam rabić niama čaho».
Prytym u skład UNS nie budzie niepasrednaha chodu pradstaŭnikam navat praŭładnych partyj, jany mohuć tudy trapić tolki abchadnymi šlachami: «Partyi buduć siabie prapanoŭvać u parłamient. Tam buduć partyjcy. I jany ŭsie trapiać u skład UNS».
