Iłan Mask. Fota: AP Photo/Susan Walsh, File
«Kali Rasija sutykniecca sa źniščeńniem svajoj armii i poŭnaj parazaj ad NATA, jana skarystaje jadziernuju zbroju, tady NATA adkaža jadziernaj zbrojaj, i cyvilizacyi pryjdzie kaniec», — napisaŭ viadomy pradprymalnik u tvitary.
«Kali Rasija apyniecca pierad vybaram: stracić Krym ci vykarystać jadziernuju zbroju na poli boju, jana vybiera apošniaje. My ŭžo ŭsialak sankcyjanavali/adrezali Rasiju, to što im jašče hublać?
Kali my naniasiem jadzierny ŭdar pa Rasii, jany naniasuć jadzierny ŭdar pa nas, i tady ŭ nas budzie Treciaja suśvietnaja vajna», — pužaje ŭsich Iłan Mask.
Nahadajem, što 3 kastryčnika multymiljarder Iłan Mask, jaki dahetul padtrymlivaŭ u vajnie ŭkrainski bok, raptam vykazaŭsia pra toje, jakija, na jaho dumku, mohuć być umovy miru pamiž Maskvoj i Kijevam. Pavodle jaho, heta mahčyma tady, kali buduć praviedzienyja novyja vybary ŭ anieksavanych rehijonach pad nahladam AAN, Krym zastaniecca častkaj Rasii, budzie harantavanaje jaho vodazabieśpiačeńnie, a Ukraina zastaniecca niejtralnaj.
Hetyja prapanovy vyklikali abureńnie ŭ mnohich karystalnikaŭ, u tym liku i ŭ aficyjnaha kiraŭnictva Ukrainy. Paśla źjaviłasia infarmacyja, što nibyta pierad rableńniem hetych zajaŭ Mask moh mieć kantakty z Pucinym, choć heta abviarhali i jon sam, i pucinskaja pres-słužba.
Čytajcie taksama:
Mask pieradumaŭ spyniać finansavańnie Starlink va Ukrainie
Iłan Mask bolš nie moža finansavać pastaŭki Starlink va Ukrainu i prosić dapamohi ŭ Pientahona
Iłan Mask pierad tym, jak rabić skandalnyja zajavy na palityčnyja temy, moh razmaŭlać z Pucinym
Iłan Mask patrapiŭ u skandał, vyrašyŭšy parazvažać pra vajnu, Ukrainu, Rasiju i Krym
