«Stała viadoma, što 9 kastryčnika Palina vyjšła z ŠIZA paśla 40 sodniaŭ znachodžańnia tam. Ale ŭžo byli padrychtavanyja novyja papiery pa źmiaščeńni jaje ŭ PKT (pamiaškańnie kamiernaha typu) na dva miesiacy. Mahčyma, Palina ŭžo znachodzicca tam.
Taksama stała viadoma, što na Palinu zaviedziena čarhovaja kryminalnaja sprava pa častcy 2 artykuła 411 (Złosnaje niepadparadkavańnie patrabavańniam administracyi papraŭčaj ustanovy). Paśla adbyćcia terminu ŭ PKT Polu mohuć pieravieści ŭ SIZA-3 h. Homiela».
Nahadajem, što ŭ krasaviku Palinu Šarendu-Panasiuk užo asudzili pa č. 2 art. 411 KK. Sud pryznačyŭ joj u dadatak da raniejšych dvuch hadoŭ źniavoleńnia jašče adzin hod u kałonii. Ciapier joj znoŭ pahražaje da dvuch hadoŭ kałonii.
