Fota ilustracyjnaje
Telehram-kanał volnych čyhunačnikaŭ paćvierdziŭ infarmacyju, jakaja źjaŭlałasia raniej, što 14 kastryčnika čaćviortaja hrupa z 25-ci tankaŭ T-72A US RB adpraviłasia z čyhunačnaj stancyi Urečča ŭ Lubanskim rajonie na stancyju Uśpienskaja rasijskaj Rastoŭskaj vobłaści i dalej u napramku Daniecka. Raźlikovaja data prybyćcia hruzu tudy — 24 kastryčnika 2022 hoda.
Hetyja tanki, jak śćviardžajecca, byli źniatyja z zachoŭvańnia z 969-j bazy reziervu tankaŭ (haradski pasiołak Urečča Lubanskaha rajona) i pieravozilisia na vietcy Asipovičy-Mahiloŭ-Orša-Rasijskaja Fiederacyja.
Akramia taho, taksama 14 kastryčnika, z čyhunačnaj stancyi Staryja Darohi na stancyju Kamienskaja Rastoŭskaj vobłaści i dalej u napramku Łuhanska adpraviŭsia ešałon z aŭtamašynami «Urał», jakija pieravoziacca na vaśmi płatformach. Raźlikovaja data prybyćcia — 22 kastryčnika 2022 hoda.
U Starych Darohach znachodzicca 288-ja baza reziervu aŭtamabilnaj techniki, adkul, vidać, i byli źniatyja z zachoŭvańnia hruzaviki «Urał».
