«Asabista ja nie padtrymlivaju takuju inicyjatyvu», — skazaŭ pasoł Ukrainy ŭ Biełarusi.
Kizim tłumačyć heta tym, što ŭviadzieńnie viz z boku Ukrainy moža vyklikać adpaviednyja zachady ŭ adkaz z boku Biełarusi.
«Ciapier na terytoryi Biełarusi šmat pryjazdžaje ŭkrainskich hramadzian, jakija biahuć z Rasii, jakija sprabujuć syści ad vajny, z akupavanych terytoryj, u tym liku z Kryma. Dla jakich viarnucca va Ukrainu samy prosty šlach — heta ŭsio-tki praź Biełaruś», — kaža jon.
Pavodle pasła, biełarusy davoli łajalna staviacca da ŭkrainskich hramadzian, jakija prybyvajuć na terytoryju Biełarusi. Heta dazvalaje vyrašać pytańni z dakumientami konsulskimi słužbami i viartać ludziej va Ukrainu albo pierajazdžać u inšyja krainy ES. Heta hałoŭnaja pryčyna, jakuju Kizim nazyvaje dla niasvoječasovaści takoha kroku.
Akramia taho, uviadzieńnie vizavaha režymu pavialičyć nahruzku na dypłamatyčnyja słužby, heta pastavić šmat pytańniaŭ, u tym liku i humanitarnych.
Kizim źviartaje ŭvahu na toje, što Biełaruś svajo pradstaŭnictva ŭ Kijevie zakryła, i nie viartaje dahetul, «niezrazumieła čamu». Heta, pavodle pasła, stvoryć ciažkaści ŭ atrymańni takoj vizy dla tych hramadzian Ukrainy, jaki zachočuć adviedać svaich svajakoŭ u Biełarusi.
«Ja nie chacieŭ by ciapier kapijavać tut toje, što my majem ciapier z Rasijaj. Tam byŭ hety krok całkam apraŭdany. Što tyčycca Biełarusi, ja takoj łohiki tut nie baču», — kaža jon.
