«Kali prezident Łukašenka vyrašyć jašče bolš pryśviacić siabie hetaj vajnie, jon zrobić heta nasupierak paradzie značnaj častki svajho naroda. Tady jamu daviadziecca ŭziać na siabie adkaznaść, jakaja, ja dumaju, nie abydziecca dla jaho biez prablem», — skazaŭ Makron.
Prezident Francyi taksama nahadaŭ, što ES užo ŭvioŭ sankcyi suprać Biełarusi paśla taho, jak kraina dazvoliła raźmiaścić na svajoj terytoryi rasijskich vajskoŭcaŭ «dla pierakidvańnia va Ukrainu».
10 kastryčnika Łukašenka paviedamiŭ, što jon damoviŭsia z Uładzimiram Pucinym ab razhortvańni sumiesnaj rehijanalnaj hrupoŭki vojskaŭ «u suviazi z abvastreńniem na zachodnich miežach sajuznaj dziaržavy». Łukašenka taksama ŭ čarhovy raz zajaviŭ, što va Ukrainie płanujuć naniasieńnie ŭdaraŭ pa terytoryi Biełarusi — pra heta Minsk nibyta papiaredzili «pa nieaficyjnych kanałach».
