Dajvier ahladaje paškodžany padvodny kabiel. Fota: nara.getarchive.net
Hetaje pytańnie było ŭźniata na nadzvyčajnym pasiadžeńni ES pa enierhietyčnaj biaśpiecy na minułym tydni, sklikanym paśla niadaŭnich napadaŭ na hazapravodzie Nord Stream u Bałtyjskim mory.
Irłandyja moža apynucca niazdolnaj abaranić svaju padvodnuju i marskuju infrastrukturu, uklučajučy hazapravody, jakija złučajuć jaje ź Vialikabrytanijaj.
Ministra abarony krainy Sajman Kovieni raskazaŭ:
«Ministr navakolnaha asiaroddzia, klimatu i kamunikacyj źviarnuŭsia pa padtrymku adnosna dadatkovych mier, jakija mohuć być pryniaty siłami abarony dla achovy krytyčna važnaj marskoj infrastruktury, uklučajučy kabieli pieradačy danych.
Taksama byli sustrečy z udziełam Gas Network Ireland i EirGrid (kampanija, jakaja kiruje nacyjanalnaj sietkaj — zaŭv. NN). EirGrid užo naniała pryvatnuju kampaniju, jakaja zabiaśpiečvaje nazirańnie i manitorynh padvodnaj sietki i kabielaŭ z dapamohaj sistemy hłabalnaha pazicyjanavańnia, GPS-sačeńnia.
My viedajem, što rabić, i ŭzmocnim patrulavańnie jak pavietranymi, tak i marskimi siłami, kab palepšyć situacyju».
Pradstaŭnik partyi Šyn Fiejn Džoni Bredy papiaredziŭ, što napad na trubapravod «Paŭnočny patok» pakazaŭ ŭraźlivaść stratehična važnych kabielaŭ, jakija prachodziać praź irłandskija vody:
«Prykładna try čverci ŭsich kabielaŭ u Paŭnočnym paŭšarji prachodziać praź irłandskija vody, i 97% hłabalnych kamunikacyjaŭ, uklučajučy dziełavyja apieracyi, finansavyja tranzakcyi i internet-trafik, ažyćciaŭlajecca praz hetyja kabieli.
Jany krytyčna važnyja, i było vykazana mierkavańnie, što my źjaŭlajemsia «achilesavaj piataj» u zabieśpiačeńni biaśpieki hetych krytyčna važnych kabielaŭ pieradačy danych».
