Hubaraŭ raspaviadaje, pra toje, što ŭkraincy — «heta ruskija ludzi, u jakich usialiŭsia djabał».
«My idziom nie zabivać ich, my chočam ich pierakanać. Ale kali vy nie chočacie, kab my vas pierakanali, my vas zabjom. Kolki spatrebicca — zabjom miljon, piać miljonaŭ, choć usich, pakul vy nie zrazumiejecie, što vy — šalonyja, i vam treba lačycca», — kaža jon.
Pavodle sieparatysta, «samy hałoŭny šalony — heta Zialenski».
Prezidenta Ukrainy jon nazyvaje «šalony vyradak, Hitler 2.0, z machrovym nacyjanalizmam, machrovaj rusafobijaj».
«Nam treba pakazvać takuju rašučaść, kab jany zrazumieli, što niahledziačy ni na jakija achviary, my pojdziem da kanca, my pieramožam u hetaj vajnie», — havoryć Hubaraŭ.
«Vojenkor Kotienok» — heta prapahandyscki rasijski telehram-kanał ź vialikaj aŭdytoryjaj, jaki finansujecca dziaržavaj.
