Pačynajučy z vosieni 2024 hoda USB Type-C stanie standartnym portam dla zaradki smartfonaŭ, płanšetaŭ, elektronnych knih, kłavijatur, kampjutarnych myšej, pryład GPS, ličbavych kamier, navušnikaŭ, harnitur i navušnikaŭ-układyšaŭ, ručnych hulniavych prystavak i partatyŭnych kałonak.
Pačynajučy z 2026 hoda USB-C taksama stanie standartam dla zaradnych prystasavańniaŭ dla noŭtbukaŭ.
Rašeńnie było pryniataje pieravažnaj bolšaściu hałasoŭ: 602 hałasy «za», 13 «suprać» i vosiem tych, chto ŭstrymaŭsia.
Pa słovach vykanaŭčaha vice-prezidenta Jeŭrakamisii Marhrete Viestahier, heta dazvolić aščadzić nie mienš za 250 młn jeŭra štohod. Pa źviestkach Jeŭrapiejskaj kamisii, dola zaradnych pryład u adchodach składaje ad 11000 da 13000 ton.
Ciapier čakajecca, što ŭrady ES kančatkova ŭchvalać hetaje rašeńnie na pasiadžeńni Rady pa navakolnym asiarodździ 24 kastryčnika. Paśla hetaha zakon ustupić u siłu. Krainy Jeŭrasajuza buduć mieć šeść miesiacaŭ, kab pieranieści jaho ŭ svajo nacyjanalnaje zakanadaŭstva.
