Fota: sacsietki Uładzia Biełavusava

Fota: sacsietki Uładzia Biełavusava

Biełavusaŭ rodam z Voršy. Ź dziacinstva chłopiec zajmaŭsia lohkaj atletykaj, ale paśla pačaŭ hulać u chakiej na travie. I hetaje chobi stała prafiesijaj.

Spačatku jon dva hady hulaŭ za kłub «Homiel», a paśla — za «Minsk». Ciapier jon hulaje jašče i ŭ nacyjanalnaj zbornaj Biełarusi pad №10. Jaho navat adnojčy pryznavali najlepšym hulcom siezonu.

Fota: zerkalo.io sa spasyłkaj na instahram Biełavusava

Fota: zerkalo.io sa spasyłkaj na instahram Biełavusava

Uładź ź siamji spartoŭcaŭ — jahonaja maci trenierka pa chakiei na travie, jana i była jaho pieršaj trenierkaj, a stryječny brat taksama hulec.

Tyktok charyzmatyčny spartoviec pačaŭ vieści trochi bolš za dva hady tamu i chutka «ŭźlacieŭ». Pa pryznańni chłopca, heta jašče i dapamahaje papularyzavać ulublony sport — na matčy CHK «Minsk» pačali prychodzić ludzi ź jahonaha tyktoku.

Ciapier chłopiec pieravysiŭ adznaku ŭ dva miljony padpisantaŭ u tyktoku i 777 tysiačaŭ u instahramie. Jahony brat Andrej taksama tyktokier i maje 1,7 miljona padpisantaŭ.

Sacsietki Uładzia

Sacsietki Uładzia

Na videa, apublikavanym HUBAZiKam, spartoviec vyhladaje padaŭlenym, ź ciažkaściu pramaŭlaje słovy, ledź nie płača. Jon kaža, što «ŭdzielničaŭ u pratestach», «dzialiŭsia infarmacyjaj z telehram-kanałaŭ» i «pakryŭdziŭ siłavikoŭ».

Naprykancy videa pakazvajuć, jak chłopiec staić na kaleniach z tvaram, utknutym u dyvanovaje pakryćcio — miarkujučy pa anturažy, heta kabiniet supracoŭnikaŭ HUBAZiKa. Na kadry nakładzienaja pieśnia sa słovami «ja siadu».

Skrynšot z HUBAZiKaŭskaha videa

Skrynšot z HUBAZiKaŭskaha videa

Siłaviki dziakujuć «nieabyjakavym padpisantam» za toje, što jany «źlili» im staryja videa chłopca, na jakich jon udzielničaje ŭ pratestach u 2020 hodzie. Inačaj, kažuć jany, «materyjały mahli zhubicca na prastorach internetu». Adnak da takich śćviardžeńniaŭ varta stavicca skieptyčna. Takimi zajavami časta prykryvajuć sapraŭdnyja sposaby zdabyćcia infarmacyi. Akramia taho, tak matyvujuć patencyjnych danosčykaŭ, kab uciahnuć jak maha bolš ludziej u saŭdzieł u masavych represijach.

Miarkujučy pa paviedamleńni siłavikoŭ, suprać Biełavusava zaviedzienaja kryminalnaja sprava pa «narodnym» 342-m artykule za ŭdzieł u ruchu za svabodnyja vybary i adnaŭleńnie kanstytucyjnaj zakonnaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?