Fota: Pixabay.
Žurnalistka Selija Uołden niadaŭna napisała artykuł pra toje, jak uziała šaścitydniovy «adpačynak ad muža i šlubu». U kantekście paślakavidnaha žyćcia, imavierna, jość šmat par, jakija mahli b pahadzicca na pieradyšku, ale šeść tydniaŭ zdajecca krychu ekstremalnym. Kudy b vy pajšli na cełych šeść tydniaŭ?
Termin «šlubny adpačynak» byŭ uviedzieny ŭ knizie 1999 hoda aŭtarki Šerył Džarvis «Šlubny adpačynak: padarožža, jakoje viartaje vas dadomu».
«Jon byŭ vielmi źviazany z žanočymi marami, z tym, što jany chacieli dasiahnuć i što mieła asabistaje značeńnie dla ich. Dla mnohich žančyn heta było niešta takoje, čaho jany nie mahli zrabić u svaim rodnym horadzie. Vy možacie adkryć piakarniu ŭ svaim horadzie, ale vy nie možacie pajści ŭ pachod u hory».
Možna spračacca nakont taho, ci aktualna heta zaraz, ale ŭ kancy minułaha stahodździa žančyna, jakaja staviła na pieršaje miesca mienavita siabie, była parušeńniem hramadskaha paradku. Prablema była nie ŭ adsutnaści jaje doma.
«Žančyna mahła skazać: «Ja pajdu da svajoj chvoraj maci», — kaža Džarvis, — i nichto ničoha nie kazaŭ, jana była cudoŭnaj žančynaj».
Ale nie ŭ tym vypadku, kali źmianialisia jaje pryjarytety:
«Kali jana chacieła niešta zrabić dla siabie, heta ŭsprymałasia zusim inakš; usprymałasia, što jana była ehaistkaj».
Šmat čaho źmianiłasia ŭ šlubie za hetyja hady: ludzi ženiacca paźniej, paśla 30 hadoŭ, i mohuć usprymać pastajannaje znachodžańnie razam jak achviaru, pryzvyčaiŭšysia bolš času pravodzić ŭ adzinocie. Finansavy bałans u siamji taksama źmianiŭsia, tak što jon moža lohka krucicca vakoł pracy žonki, a muž adčuvaje, što jaho mary byli rasplusnutyja jaje źniščalnaj siłaj.
«Adpačynak byŭ adnolkava nieabchodny jak mužčynam, tak i žančynam, — kaža Džarvis. — Adzinaja pryčyna, pa jakoj ja napisała knihu dla žančyn, heta toje, što žančynam ciažej dać sabie dazvoł syści».
Mahčyma, heta źmianiłasia.
Džarvis cytuje antrapołaha Chielen Fišer, jakaja śćviardžaje: «Z uzrostam uzrovień testasteronu ŭ mužčyn padaje, što prymušaje ich ciahnucca dadomu. U žančyn z uzrostam uzrovień estrahienu padaje, tamu jany raptam stanoviacca bolš avanturnymi».
A što, kali pry hetym u vas niama mary ci niejkaha prajekta? Što, kali vas nie cikaviać pachody ŭ hory, i vaša adzinaja meta — syści ad partniora? Ci možna «šlubny adpačynak» ličyć «tryvožnym zvanočkam»? Ci źjaŭlajecca taki adpačynak prosta «załaj čakańnia» pierad razvodam?
Siłva Nevies, psichaterapieŭt pa ŭzajemaadnosinach, aściarožna stavicca da ŭsioj kancepcyi «tryvožnych zvanočkaŭ». «Jany [majucca na ŭvazie tyja z nas, chto naležyć da pakaleńnia X] trymajucca hetych tradycyjnych mifaŭ: kali ludzi śpiać u roznych łožkach, značyć, niešta nie tak. Treba zaŭsiody być razam, chadzić razam na ŭsie mierapryjemstvy, a to niešta nie tak. Kali chtości atrymlivaje asałodu ad čužoj pryvabnaści, značyć, niešta nie tak. Jany sapraŭdy zmahajucca z hetymi tradycyjnymi idejami, sprabujučy zrabić ich praŭdaj u toj čas, kali jany praŭdaj nie źjaŭlajucca».
Maładyja ludzi značna bolš hnutkija ŭ tym, što tyčycca movy adnosin.
U kožnaj pary kožny čałaviek maje pačućcio ŭzajemazaležnaści i pry hetym žadańnie zajmacca svajoj spravaj. Ale hetyja kankurujučyja idei redka buduć całkam adnolkavymi dla abodvuch ludziej, i jany nie zastajucca niaźmiennymi dla luboha čałavieka. Ź ciaham času taksama ŭźnikaje efiekt, kali vy ŭskładajecie vialikuju častku svajho pačućcia biaśpieki na inšaha čałavieka, i tady patrabavańni da jaho stanoviacca ŭsio bolšymi i bolšymi. Šlubny adpačynak dapamahaje zhładzić heta.
Prablema intymnych adnosin i šlubaŭ u tym, što kryŭdy mohuć pastajanna papaŭniacca. Hałoŭnym kampanientam prabačeńnia źjaŭlajecca adychod, dystancyjavańnie ad niepryjemnaj padziei. Ale ž jak dystancyjavacca, kali my (vid, jaki paŭsiul znachodzić šabłony) zaŭsiody znachodzim śviežuju padzieju, što nahadvaje nam pra minułuju?
