Jak paviedamlajecca na sajcie Siejma, hetymi papraŭkami prypynienaja mahčymaść padaŭžeńnia časovaha dazvołu na žycharstva dla tych biełarusaŭ i rasijan, jakija atrymali jaho na padstavie inviestycyj abo nabyćcia nieruchomaści ŭ Łatvii. Hramadzianie Rasii taksama nie zmohuć atrymać addalenuju pracoŭnuju vizu.
Pry hetym ustanoŭlenyja vyklučeńni, bo zachoŭvajecca mahčymaść vydačy dazvołaŭ na časovaje pražyvańnie na padstavie ŭźjadnańnia siamji, mižnarodnaj abarony, nacyjanalnych intaresaŭ abo pa humanitarnych mierkavańniach.
«Zakon praduhledžvaje, što abmiežavańni ŭ dačynieńni da hramadzian Biełarusi prymianiajucca ŭ bolš vuzkim abjomie», — havorycca ŭ paviedamleńni.
Papraŭki ŭ zakon uniesienyja ŭ adkaz na raźviazvańnie Rasijaj pry padtrymcy biełaruskha režymu vajny va Ukrainie, a taksama ŭ suviazi ź indyvidualnymi i ekanamičnymi sankcyjami Jeŭrasajuza. Raniej Siejm pryniaŭ rašeńnie časova prypynić pieršasnuju vydaču dazvołaŭ na časovaje pražyvańnie hramadzianam Biełarusi i Rasii.
«Prymajučy pad uvahu surjoznaść situacyi, a taksama ryzyki, źviazanyja ź imihracyjaj hramadzian Rasii i Biełarusi ŭ Łatviju, niedapuščalna, kab padaŭžeńnie ŭžo vydadzienych dazvołaŭ na časovaje pražyvańnie taksama ažyćciaŭlałasia ŭ zvyčajnym paradku», adznačajecca ŭ zakonaprajekcie.
Zakon ustupić u siłu na nastupny dzień paśla jaho apublikavańnia.
