Paznohci mohuć być prykmietaj hroznaj chvaroby. Jak heta zaŭvažyć? 1

Fota: Andrea Piacquadio/pexels.com

Kali vy zaŭvažyli, što płaścina mianiaje koler abo formu, vam varta źviarnucca da śpiecyjalista. Adnym z tryvožnych simptomaŭ źjaŭlajucca tak zvanyja «paznohci Tery», jakija śviedčać pra źmieny ŭ arhaniźmie. Jak ich adroźnić?

Što takoje paznohci Tery? Vy možacie adroźnić ich pa hetych prykmietach

Paznohci Tery — heta termin 1954 hoda. Jany nazvanyja ŭ honar brytanskaha lekara, jaki ŭpieršyniu apisaŭ ich. Tery zaŭvažyŭ, što ŭ 82-ch sa sta chvorych na cyroz paznohci mieli śpiecyfičny vyhlad. Jakija ich charaktarystyki?

Paznohci Tery majuć śvietły, čas ad času navat małočna-bieły koler amal pa ŭsioj daŭžyni za vyklučeńniem adnoj pałoski šyrynioj ad 0.5 da 3 mm, naprykancy paznohcia.

Dobraja navina ŭ tym, što paznohci nie patrabujuć lačeńnia. Źmianieńnie koleru źnikaje pry lačeńni spadarožnaha zachvorvańnia.

Paznohci Tery. Fota: Hojasmuertas/wikimedia.org

Kali biełaja častka tolki trochi vystupaje za miežy kutykuły, to pryčynaŭ dla turboty niama. Ale kali jana raście i pakryvaje ŭsio bolšuju płošču płaściny, heta moža być simptomam sistemnych zachvorvańniaŭ.

Narmalny paznohać. Biełaja častka vystupaje, ale zusim trochu. Fota: pxhere.com

Na što jany mohuć pakazvać?

Choć u niekatorych vypadkach takija paznohci mohuć być prosta prykmietaj stareńnia arhanizma, časta jany źjaŭlajucca simptomam najaŭnaści niebiaśpiečnaha zachvorvańnia. Daśledavańni paćviardžajuć ich suviaź z:

• cyrozam piečani,
• zastojnaj sardečnaj niedastatkovaściu,
• dyjabietam 2 typu,
• zachvorvańniami pieryfieryčnych sasudaŭ,
• nyračnaj niedastatkovaściu,
• imunadeficytam,
• virusnym hiepatytam.

Kali vy zaŭvažyli ŭ siabie takija paznohci, to samy čas źviarnucca da lekara!

Čytajcie jašče:

Torhajecca pavieka? Tłumačym, što značyć hety simptom

Ci možna vypivać, kali vy pryščapilisia ad kavidu?

«Na pusty straŭnik» — heta kali? Kolki času ježa pravodzić u nas u straŭniku?

5

0

0

8

4

5

Nashaniva.com