Fota: AR
Volha pryjechała va Ukrainu z horada Čelabinsk u kancy 2014 hoda. Jašče hramadziankaj Rasijskaj Fiederacyi jana ŭstupiła ŭ dobraachvotnickaje padraździaleńnie paramiedykaŭ, kab supraćstajać uzbrojenaj ahresii Rasii. U 2016 hodzie jana padpisała trochhadovy kantrakt z USU jak hramadzianka inšaj dziaržavy. Jana dasłužyłasia da zvańnia siaržanta i stała kamandziram bajavoj mašyny piachoty.
U 2017 hodzie Volha Simanava stała pieršym kantraktnikam USU — zamiežnikam, jaki atrymaŭ ukrainskaje hramadzianstva padčas słužby na ŭschodzie Ukrainy.
Jana zahinuła 13 vieraśnia va ŭzroście 34 hady. Žančyna ŭzarvałasia na vybuchovym prystasavańni, vykonvajučy bajavoje zadańnie ŭ rajonie horada Saledar Danieckaj vobłaści.
Fota: AR
Truna Simanavaj była zaviešana sinie-žoŭtym ukrainskim ściaham, a źvierchu — plušavy leŭ. Jaje bajavoje proźvišča było Simba, jak u hałoŭnaha hieroja dysnejeŭskaha multfilma «Karol Leŭ».
Fota: AR
Fota: AR
Simanava zachaplałasia sportam i dasiahnuła pośpiechaŭ u alpiniźmie i karate.
«Dla mianie jana była simvałam ukrainstva budučyni. Ukrainstva, jakoje prymajuć usim sercam. Simvałam taho, što sapraŭdnym ukraincam stanoviacca, a nie naradžajucca… Volha Simanava, jakaja naradziłasia ŭ dalokim Čelabinsku ruskaj i zahinuła ŭkrainkaj na Dzikim poli, niachaj anioły ŭ vyšyvankach niasuć na nieba tvaju advažnuju i čystuju dušu», — havorycca ŭ paviedamleńni hramadskaha aktyvista Hienadzia Druzienka.
