Fota ilustracyjnaje
24-hadovy žychar Minska znajšoŭ u internecie abjavu ab zdačy pakoja ŭ arendu. «Haspadynia», jakaja raźmiaściła abjavu, skazała, što na pakoj vialiki popyt, tamu lepš było b unieści zakład. Chłopiec pieraličyŭ joj 150 rubloŭ avansu, i paśla hetaha dziaŭčyna źnikła.
Milicyja, u jakuju chłopiec źviarnuŭsia, paśla vyśvietliła, što «haspadyniaj» pakoja pradstaŭlałasia 24-hadovaja dziaŭčyna, jakaja sama ž hety pakoj i zdymała. Jana raspracavała cełuju schiemu: na roznych sajtach raźmiaščała abjavu, nibyta pakoj zdajecca, i brała ŭ achvotnych arandavać žyllo zakład. A paśla hetaha pierastavała vychodzić na suviaź.
Na dziaŭčynu zaviali kryminalnuju spravu za machlarstva.
