Zhodna z dakumientam, u suviazi z vajnoj, jakuju Rasija viadzie va Ukrainie, pašyrajucca sankcyi ŭ dačynieńni da Ramzana Kadyrava (pad sankcyjami ZŠA kiraŭnik Čačni znachodzicca jašče z 2017 hoda, u suviazi z «zakonam Mahnickaha»). Taksama jany ŭvodziacca ŭ dačynieńni da jahonych dačok Ajšat, Karyny i Tabaryk, žonki Miedni, a taksama Facimy Chazujevaj i Aminad Achmadavaj, jakich u amierykanskim viedamstvie taksama nazyvajuć «žonkami» Kadyrava.
«Kadyraŭ u vyniku svaich suviaziaŭ z Uładzimiram Pucinym nažyŭ vielizarnuju majomaść», — padkreślivaje Minfin ZŠA, nazyvajučy ŭ liku takoj majomaści nieruchomaść u AAE, pryvatny zaapark i šmatlikija darahija aŭtamabili.
Usiaho ŭ sankcyjny śpis byli ŭniesienyja 22 fizičnyja i dźvie jurydyčnyja asoby. Siarod ich: pamočnik prezidenta Rasii Maksim Areškin, hiendyrektar nacyjanalnaj sistemy apłatnych kartaŭ (apieratar kartaŭ «Mir») Uładzimir Komleŭ, dziciačy ambudsmien Maryja Lvova-Białova i kiraŭnik Nacyjanalnaha raźlikovaha depazitaryja Viktar Žydkoŭ.
