Siońnia ŭ Minharvykankamie adbyłasia sustreča kiraŭnikoŭ pryvatnych škoł, jakija nie prajšli siertyfikacyju, z kiraŭnikom Centralnaha rajona stalicy i z namieśnikam ministra adukacyi. Na hetaj sustrečy kiraŭniki hetych škoł zrabili spravazdaču ab likvidacyi vyjaŭlenych raniej niedachopaŭ. Pra heta Biełaruskamu rasśledvalnickamu centru paviedamili niekalki krynic, jakija prysutničali na sustrečy.
Krynicy taksama paviedamili, što sa škoł, jakija časova spynili pracu, nazirajecca adtok vučniaŭ. Dzieci vymušanyja pierachodzić u inšyja škoły, u tym liku ŭ Minskuju mižnarodnuju himnaziju (MMH), zasnavanuju Irynaj Abielskaj.
U samoj himnazii skazali, što «jany nie sutykalisia» ź ciažkaściami pry atrymańni siertyfikataŭ. Naadvarot, pa słovach administracyi, nazirajecca prytok z tych škoł, jakija nie adkrylisia. Pry hetym jašče ŭ žniŭni MMH abviaščała dadatkovy pryjom dziaciej z-za niedaboru.
Znajści infarmacyju ab tym, što siertyfikat MMH padpisany, niemahčyma, bo škoły niama ŭ śpisach pryvatnych navučalnych ustanoŭ Minska.
U pačatku novaha navučalnaha hoda tolki 6 pryvatnych škoł z 20, raźmieščanych na terytoryi Minska, atrymali siertyfikaty hatoŭnaści da navučalnaha hoda. Astatnija 14 byli vymušanyja likvidavać vyjaŭlenyja mižviedamasnaj kamisijaj niedachopy i da hetaha času tak i nie adkryli svaje dźviery dla školnikaŭ. A siońniašniaja sustreča ŭ Minharvykankamie tak i nie dała adkazu, ci dazvolać hetym škołam pracavać paśla likvidacyi niedachopaŭ.
Čytajcie taksama:
Jak Iryna Abielskaja akazałasia zasnavalnicaj pryvatnaj škoły ŭ Drazdach
čiemu možiet naučiť hospoža abielskaja?