«Archieołahi ŭ Dmanisi vyjavili vyrablenyja najstaražytniejšymi nasielnikami Jeŭrazii pryłady pracy, jakija datujucca 1,8 młn hadoŭ. < … > Mižnarodnaja archieałahičnaja ekśpiedycyja vyjaviła ŭ płastach [hleby], datavanych 1,8 młn hadoŭ, zub nižniaj skivicy homo, čaćviorty premalar», — skazana ŭ paviedamleńni na staroncy miascovaj meryi ŭ fejsbuku.
Znachodka ŭ Arazmani dakazvaje, što hetaja miascovaść była adnym z najstaražytniejšych areałaŭ pražyvańnia staražytnaha čałavieka za miežami afrykanskaha kantynienta.
U meryi taksama adznačajuć, što archieałahičnyja raskopki ŭ Arazmani prachodzili i ŭ 2021 hodzie. Tady navukoŭcy taksama vyjavili kamiennyja pryłady, vyrablenyja homa erektusam, a taksama pareštki žyvioł.
Uvohule ž Dmanisi znachodzicca ŭ centry ŭvahi archieołahaŭ z pačatku 2000-ch hadoŭ. Tady byli znojdzienyja pareštki, jakija taksama datujucca 1,8 młn hadoŭ. Hruzinskija navukoŭcy vyznačyli, što jany naležać staražytnym mužčynu i žančynie. Im byli padabranyja simvaličnyja imiony Ziezva i Mzija.
Samyja staražytnyja ŭ śviecie znojdzienyja na hety čas čałaviečyja pareštki datujucca ŭzrostam 2,8 młn hadoŭ, znajšli ich u Efiopii.
