Fota ilustracyjnaje
«My bačym realnyja, vymiaralnyja vyniki va Ukrainie dziakujučy prymianieńniu hetych sistem. Naprykład ukraincy patrapili z dapamohaj HIMARS u kala 400 celaŭ, i ŭ ich byŭ vielizarny razburalny efiekt», — skazaŭ Mili.
Taksama jon zakranuŭ pytańnie ŭkrainskaha kontrnastupleńnia, zajaviŭšy, što USU «stabilna prasoŭvajucca».
Raniej siońnia namieśnik načalnika hałoŭnaha apieratyŭnaha ŭpraŭleńnia Hienštaba Ukrainy Alaksiej Hromaŭ paviedamiŭ, što ŭ Charkaŭskaj vobłaści USU vyzvalili 20 nasielenych punktaŭ i prarvali abaronu na 50 kiłamietraŭ, vyzvaliŭšy ad rasijskaj akupacyi terytoryju płoščaj bolš za 700 kvadratnych kiłamietraŭ.
USU atrymali amierykanskija reaktyŭnyja sistemy załpavaha ahniu HIMARS u červieni. U ZŠA, pieradajučy artyleryju, zajavili, što ličać lehitymnymi celami dla jaje lubyja rasijskija celi na terytoryi Ukrainy. Pavodle mižnarodnaha prava, heta adnosicca i da terytoryi anieksavanaha Rasijaj Kryma.
