82-hadovy mitrapalit Ryžski i Łatvijski Alaksandr kiruje Pravasłaŭnaj carkvoj u Łatvii z 1990 hoda.
«Pryniaćcie zakona zamacuje histaryčnuju samastojnaść i niezaležnaść Łatvijskaj pravasłaŭnaj carkvy i praduchilić upłyŭ ci ŭładu Ruskaj pravasłaŭnaj carkvy nad našaj carkvoj», — zajaviŭ staršynia kamisii Siejma pa pravach čałavieka i hramadskich spravach Artus Kajmińš.
Zakon vyznačaje paradak zaćviardžeńnia i adchileńnia mitrapalita, archijepiskapaŭ i jepiskapaŭ. Jurydyčnyja źmieny nie tyčacca kananičnych pytańniaŭ, adznačajecca ŭ anatacyi da zakonaprajekta.
Carkva da 31 kastryčnika pavinna pryvieści statut u adpaviednaść z novymi patrabavańniami zakona.
U anatacyi da zakonaprajekta Levits adznačyŭ, što novy paradak adnović histaryčny status ŁPC i vyklučyć lubuju ŭładu maskoŭskaha patryjarcha nad carkvoj u Łatvii.
Inicyjatyva źviazanaja z tym, što Maskoŭski patryjarchat padtrymlivaje pucinski režym i vajnu, jakuju Rasija viadzie suprać Ukrainy.
«Admova ad jakoj-niebudź suviazi z Patryjarcham Maskoŭskim źjaŭlajecca važnym pytańniem dla našych pravasłaŭnych, usiaho łatvijskaha hramadstva i nacyjanalnaj biaśpieki», — padkreśliŭ u anatacyi da zakonaprajekta prezident.
Pa jaho słovach, «u niezaležnaj, demakratyčnaj i pravavoj Łatvijskaj dziaržavie pravasłaŭnym patrebnaja svaja samastojnaja i niezaležnaja carkva. Takaja była, jość i zaŭsiody budzie pazicyja Łatvijskaj dziaržavy. Pad kiraŭnictvam archijepiskapa Janisa Pomiersa heta było dasiahnuta nieŭzabavie paśla abviaščeńnia Łatvijskaj Respubliki».
«Łatvijskaja pravasłaŭnaja carkva taksama była prainfarmavanaja ab padrychtavanym zakonaprajekcie. Mahu zapeŭnić, što Łatvijskaja pravasłaŭnaja carkva i mitrapalit Alaksandr mohuć raźličvać na poŭnuju padtrymku Łatvijskaj dziaržavy, jakaja jurydyčna pryznaje aŭtakiefalny status carkvy», — havorycca ŭ zajavie prezidenta.
