«Kažuć, va Ukrainu adpraŭlajecca zbroja. Navat niahledziačy na toje, što tam vielmi šmat mietałałomu, jany ŭsio roŭna praciahvajuć adpraŭlać zbroju. Kali kazać pa hetym pytańni, ni Rasija, ni Ukraina nie źjaŭlajucca pieramožcami. Padobna na toje, heta śviedčyć, što ŭsio nie skončycca vielmi chutka», — zajaviŭ Erdahan na bryfinhu pa vynikach pieramovaŭ z prezidentam Sierbii Alaksandram Vučyčam.
Prezident Turcyi ličyć, što mnohija niapravilna aceńvajuć Rasiju. «Rasija — nie taja kraina, jakuju varta niedaaceńvać. Rasija spyniła pastaŭki pryrodnaha hazu. Ceny vyraśli ŭ Jeŭropie ŭ adno imhnieńnie. Usie čakajuć najhoršaha. Čamu vy nie padumali pra heta raniej?» — skazaŭ jon.
Pravilnaj pazicyjaj pa kanflikcie va Ukrainie Erdahan ličyć palityku niejtralitetu. «Turcyja zaŭsiody pravodziła palityku raŭnavahi pamiž Rasijaj i Ukrainaj. My praciahniem pravodzić palityku niejtralitetu», — zajaviŭ jon. «Možna skazać, što ŭ hetaj vajnie jość pieramožca? Pieramožcy niama, ale jość šmat tych, chto prajhraŭ. Pamirajuć ludzi», — skazaŭ prezident Turcyi.
