Karyn Žan-Pjer
«Heta nie samy efiektyŭny abo mahutny instrumient prasoŭvańnia napierad. (…) Pryznańnie Rasii krainaj — sponsaram teraryzmu mahło b mieć niepažadanyja nastupstvy dla Ukrainy i śvietu», — zajaviła na bryfinhu pres-sakratarka Biełaha doma Karyn Žan-Pjer.
Raniej u lipieni Sienat ZŠA pryniaŭ rezalucyju, jakaja zaklikaje Dziarždepartament pryznać Rasiju dziaržavaj — sponsaram teraryzmu. Paviedamlałasia, što padstavaj dla adpaviednaha rašeńnia źjaŭlajucca padziei ŭ Čačni, Hruzii, Siryi i Ukrainie.
Taksama z zaklikam unieści Rasiju ŭ śpis źviarnuŭsia da Vašynhtona Kijeŭ. Anałahičnyja prapanovy hučali ad šerahu členaŭ Kanhresa.
U śpis fundataraŭ teraryzmu mohuć być uniesieny dziaržavy, jakija, na dumku Vašynhtona, «nieadnarazova akazvali padtrymku aktam mižnarodnaha teraryzmu». Amierykanskaja administracyja vałodaje šyrokimi paŭnamoctvami ŭ płanie ŭviadzieńnia sankcyj u dačynieńni da fihurantaŭ śpisu. Ale z uklučeńniem u hety śpis zaŭsiody aściarožnaja. Ciapier u im tolki Iran, KNDR, Kuba i Siryja.