Maskoŭski dziaržaŭny ŭniviersitet, vid źvierchu. Fota: «Vikipiedyja»
Pavodle Hryzłova, u Biełarusi i Rasii ahulnaje adukacyjnaje pole, jakoje daje mahčymaść hramadzianam abiedźviuch krain atrymlivać adukacyju na terytoryi kožnaj ź ich.
«U hetym hodzie biełarusam było taksama pradastaŭlena 1100 kvot na biudžetnyja miescy (u rasijskija VNU). Dumaju, što hetaja kolkaść budzie ŭzrastać, tamu što my pavialičvajem kolkaść biudžetnych miescaŭ, i ŭ nas sumiaščajucca sistemy acenki adukacyi vypusknikoŭ. Tut heta centralizavanaje testavańnie, u nas — adziny dziaržaŭny ekzamien. Pryniali ŭžo rašeńnie, jak sumiaścić vyniki hetych dźviuch atestacyj. Tak što možna svabodniej budzie pastupać u Rasiju», — zajaviŭ rasijski pasoł.
Hryzłoŭ dadaŭ, što ŭ nastupnym navučalnym hodzie pavodle kvoty ŭrada Rasii, biełaruskim abituryjentam budzie vydzielena 1300 biudžetnych miescaŭ. Naboram, jak i ciapier, budzie zajmacca pradstaŭnictva «Rassupracoŭnictva» ŭ Biełarusi. U novym navučalnym hodzie, pa słovach Hryzłova, u Rasii buduć vučycca bolš za 10 tysiač studentaŭ ź Biełarusi.
Letaś Ministerstva navuki i vyšejšaj adukacyi RF dazvoliła pastupać u svaje VNU biełaruskim abituryjentam pa vynikach centralizavanaha testavańnia. U toj ža čas mahčymaść pastupać pa vynikach adzinaha dziaržaŭnaha ekzamienu i ŭnutranaha ekzamienu taksama zastałasia.
Pa vynikach CT u rasijskija VNU ŭ 2021 hodzie pastupili 563 hramadzianina Biełarusi, statystyka pa 2022 hodzie budzie viadomaja paźniej.
