Śviatłanie Hryškievič 30 hadoŭ. Niekalki hadoŭ jana zajmajecca arhanizacyjaj ekskursij pa Biełarusi na roznyja temy.
Žančyna ŭ videa siłavikoŭ kaža, što padčas ekskursii dapuściła «niekarektnuju zaŭvahu» na adras Łukašenki, za što była zatrymanaja HUBAZiKam. Mahčyma, pryčynaj staŭ danos ci prasłuchoŭvańnie, sami siłaviki adznačajuć, što «biełarusy prajaŭlajuć pilnaść i dzielacca samymi aburalnymi faktami».
Žančynu vinavaciać ŭ tym, što jana raspaviadała pra padziei, «zhodna sa svaimi bečebešnymi pierakanańniami». Pad «bečebešnymi pierakanańniami» zvyčajna majecca na ŭvazie biełaruski, a nie saviecki ci rasijski pohlad na historyju i sučasnaść.
Tam ža adznačajecca, što «vyrašajecca pytańnie pra zaviadzieńnie kryminalnaj spravy».
Usiaho z 2020 hoda ŭ Biełarusi zaviedziena bolš za 11 tysiač palityčna matyvavanych kryminalnych spraŭ. Achviarami palityčnych represij stali dziasiatki tysiač ludziej, bolš za 100 tysiač čałaviek vymušana stali ŭciekačami. Represij takoha maštabu Jeŭropa XXI stahodździa jašče nie viedała.
Stała viadoma, što Śviatłanie prysudzili 12 sutak aryštu za «drobnaje chulihanstva».
Čytajcie jašče:
Zatrymali Paŭła Mažejku. U adzin dzień z advakatkaj mastaka Puškina
AMAP pravioŭ sieryju zatrymańniaŭ u Kobrynie
«Mama prasiła tatu syści z palityki». Dačka Ryhora Kastusiova pra baćkavu niavolu dy tryvožnyja naviny z-za krataŭ
