Skrynšot: kanał viadučaj prahramy «Sankcyi dla narodu» Nastaśsi Bieniedzisiuk z apoviedami tych samych biełarusaŭ
Pieršaha hieroja kličuć Andrej Kutafin, jamu 44 hady. U videa jon śćviardžaje, što dzieviać hadoŭ žyŭ u Hiermanii, ale tam pačałasia «psichijatryja», i jon vyrašyŭ viarnucca ŭ Biełaruś.
Pa źviestkach «Kibierpartyzanaŭ», u 1998 hodzie mužčyna pačynaŭ jak kinołah u hrodzienskim Departamiencie achovy Ministerstva ŭnutranych spraŭ (tady jašče abjadnańni «Achova» pry MUS). Dasłužyŭsia jon tam da staršyny i zvolniŭsia ŭ siaredzinie «nulavych».
Paśla pracavaŭ u budaŭničaj firmie AAT «Haradskoje budaŭnictva», potym pierajšoŭ u «Hrodzienskaje tralejbusnaje ŭpraŭleńnie», a paźniej — u AAT «Bijabud» (kampaniju, jakaja zajmajecca stvareńniem kanalizacyj).
Mužčyna časta jeździŭ u Jeŭropu, ale nienadoŭha. Samyja doŭhija vizity z apošnich — u 2017 i 2018 hadach, jon vyjazdžaŭ kudyści praz Polšču na 3—4 miesiacy. Mahčyma, što jon pracavaŭ niedzie ŭ Jeŭropie, ale nikoli nie žyŭ tam doŭha. Taksama viasnoj-uletku 2020 hoda jon časta jeździŭ u ES, ale adrazu viartaŭsia (vizity doŭžylisia dzień-dva) — što padobna na kłasičnyja pajezdki «na zakupy».
Kutafin. Fota: sacsietki.
Anijakich paćvierdžańniaŭ tamu, što jon «9 hadoŭ žyŭ u Hiermanii», my nie znajšli.
Druhi hieroj, Aleh Bruštunoŭ, u videa śćviardžaje, što «piać hadoŭ tamu pracavaŭ u Hiermanii» i «pryvoziŭ hrošy na radzimu», a «Łukašenku tam usie lubili». Ale jość niuans.
46-hadovy Bruštunoŭ nie prosty milicyjant. Z 1997 hoda, jak i Kutafin, jon pracavaŭ u hrodzienskim Departamiencie achovy MUS, taksama kinołaham. U 2003 hodzie jon pastupaje ŭ Akademiju MUS, staŭšy lejtenantam, i pierajazžaje ŭ Minsk.
Ale nieŭzabavie Bruštunoŭ pierachodzić na pracu ŭ elitnaje padraździaleńnie «Ałmaz». Tam jon spačatku byŭ «opieram», a paśla staršym inśpiektaram-kinołaham i navat vyjhravaŭ spabornictvy pa pošuku vybuchoŭki. Dasłužyŭsia jon u «Ałmazie» da zvańnia majora i zvolniŭsia pa zhodzie bakoŭ u pačatku 2018 hoda.
Pa źviestkach «Kibierpartyzanaŭ», jon jeździŭ u Jeŭropu niekalki razoŭ. Samaja doŭhaja z vandrovak zaniała paŭhoda i adbyłasia z krasavika pa vierasień 2018 hoda. Pryčym jeździli jany tudy razam z Kutafinym. Čym tam zajmalisia — nieviadoma.
Dalej jon pracavaŭ administrataram u restaranie Falcon, prynamsi da kanca 2020 hoda.
U 2022 hodzie Bruštunoŭ byŭ suaŭtaram praviłaŭ pa praviadzieńni kinałahičnych spabornictvaŭ. Tam jaho nazyvajuć majstram sportu pa słužbovym mnahaborstvie kinołahaŭ i vieteranam śpiecpadraździaleńnia MUS Respubliki Biełaruś.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie jašče:
«Vierniki nie kupiać ajfon, kab zdymać svaje dupy i hladzieć na čužyja». Chto takaja Maryna Karaman — novaja viadučaja ANT
«Heta nie značyć, što ja nie patryjot». Zahadčyca kafiedry žurfaka BDU apraŭdvajecca za adpačynak u Jeŭropie
«Ja chaču bačyć ruskuju movu, a nie pšeckuju łacinku». Buchhałtarka z rajcentra zmahajecca suprać biełaruskaj łacinki
