Vałanciory śćviardžajuć, što častka abvinavačvańnia zasnavanaja na kamientaryi Hałaŭkova pra zahinułaha supracoŭnika KDB Dźmitryja Fiedasiuka.
Prakuror zapytvaŭ dla žychara Asipovičaŭ čatyry hady pazbaŭleńnia voli i štraf u 6400 rubloŭ, ale sud daŭ krychu mienš: try hady i štraf u 3200 rubloŭ.
Na hety momant Hałaŭkoŭ utrymlivajecca ŭ babrujskim SIZA-5.
28 vieraśnia 2021 hoda ŭ Minsku padčas pierastrełki ŭ kvatery pa vulicy Jakuboŭskaha zahinuli dva čałavieki: supracoŭnik KDB Dźmitryj Fiedasiuk i IT-śpiecyjalist Andrej Zielcer. Nieŭzabavie SK daŭ spravazdaču ab zatrymańni 136 čałaviek za abraźlivyja kamientaryi ab pierastrełcy Andreja Zielcera z supracoŭnikami KDB.
Suprać ich zaviedzienyja kryminalnyja spravy pa artykułach ab raspalvańni sacyjalnaj varožaści (art. 130 KK) i abrazie pradstaŭnika ŭłady (art. 369 KK). Niekatorych ź ich unieśli ŭ śpis ludziej, jakija majuć dačynieńnie da terarystyčnaj dziejnaści.
