Andrej Ryžkoŭ

Andrej Ryžkoŭ

U Michajłaŭcy Zaparožskaj vobłaści Ukrainy znojdzieny miortvym kiraŭnik palicyi Andrej Ryžkoŭ. Pra heta paviedamlaje «Ukrinfarm» sa spasyłkaj na Zaparožskuju abłasnuju vajennuju administracyju.

Michajłaŭka ciapier znachodzicca pad kantrolem rasijskich vojskaŭ, a Ryžkoŭ uznačaliŭ miascovuju palicyju paśla farmavańnia ŭ nasielenym punkcie prarasijskaj administracyi. Jon znojdzieny paviešanym, ale pakul nieviadoma, była jaho śmierć hvałtoŭnaj ci havorka idzie pra samahubstva.

Ryžkoŭ słužyŭ va ŭkrainskich pamiežnych čaściach, paśla sychodu ŭ adstaŭku zasnavaŭ hramadskuju arhanizacyju «Pamiežniki Michajłaŭščyny». Pavodle infarmacyi ŭkrainskich ŚMI, jon sam źviarnuŭsia da prarasijskaj administracyi i prapanavaŭ siabie ŭ jakaści «načalnika palicyi».

Pra śmierci supracoŭnikaŭ prarasijskich administracyj na ŭkrainskich terytoryjach, uziatych pad kantrol rasijskimi vojskami, paviedamlałasia i raniej. 24 žniŭnia ŭ vyniku padryvu aŭtamabila zahinuŭ kiraŭnik prarasijskaj administracyi toj ža Michajłaŭki Ivan Suško. A 26 žniŭnia ŭ Biardziansku byŭ uzarvany aŭtamabil namieśnika načalnika haradskoha DAI Alaksandra Kaleśnikava, jon pamior u špitali.

Клас
25
Панылы сорам
1
Ха-ха
0
Ого
3
Сумна
4
Абуральна
1