Black Hornet u palocie. Fota: nauticexpo.com
Kijevu pastaviać 850 minijaciurnych bieśpiłotnikaŭ ad kampanii FLIR Systems i navučać ukraincaŭ imi karystacca. Jany najmienšyja ŭ śviecie, ale ŭžo dakazali svaju karyść. Heta ŭžo ich treciaje pakaleńnie, a vykarystoŭvajuć ich u bolš, čym 20 armijach śvietu.
Vaha adnaho drona składaje mienš za 33 hramy, a pamiery — 10 na 2.5 santymietra. Pry hetym jon moža lotać na adlehłaść da dvuch kiłamietraŭ i trymacca ŭ pavietry da 25 chvilinaŭ, a maksimalnaja chutkaść aparata dasiahaje 21 kiłamietra ŭ hadzinu.
Demanstracyja vykarystańnia Black Hornet PRS u miežach raźviedvalnaj misii. Videa: Youtube
Taksama na im staić davoli mahutnaja kamiera. Jana dazvalaje zdymać fota ŭ razroźnieńni da 1600*1200, a videa — u razroźnieńni da 640*480. Na bieśpiłotnikach staić taksama ciepłavizar, jaki dazvalaje im pracavać unačy. Dziakujučy novamu ciepłavizijnamu datčyku FLIR Lepton i novaj HD-kamiery, sistema zabiaśpiečvaje chutkuju i nadziejnuju apracoŭku vyjavaŭ.
Novaja modulnaja kanstrukcyja dazvalaje chutka zamianiać akumulatary i bartavyja sensary, dazvalajučy apierataru chutka padrychtavać bieśpiłotniki da novych misijaŭ. Taksama jon pracuje vielmi cicha, što ŭskładniaje jaho identyfikacyju.
Śpiecyfikacyja Black Hornet. Fota: nauticexpo.com
Akramia ŭsiaho inšaha, kiravać im vielmi lohka. Treba prajści minimalnuju padrychtoŭku dla paśpiachovaha razhortvańnia ŭsioj sistemy.
Apieratary mohuć lohka stvarać profili palotu, paznačać maršruty i pryznačać zadačy dla Black Hornet. Naprykład, apieratary mohuć daručyć bieśpiłotniku spyniacca ŭ peŭnych kropkach i skanavać miascovaść na 360 hradusaŭ.
Bieśpiłotnik moža lotać navat u zonach, dzie niama pakryćcia GPS. Heta dazvalaje jamu pracavać unutry budynkaŭ i navat u piačorach i schoviščach. Sistema kiravańnia dazvalaje jamu nadziejna i ŭstojliva pracavać za miežami pramoj bačnaści.
Bazavy kamplekt uklučaje ŭ siabie sam aparat i ekran dla kiravańnia, jaki dazvalaje kiravać dvuma bieśpiłotnikami adnačasova. Minimalny košt adnaho kamplektu — kala 40 tysiač dalaraŭ.
Standartny kamplekt. Na fota pakazany kantroler kiravańnia z dyspłejem. Fota: nauticexpo.com
Kampanija prapanuje taksama cikavaje pašyreńnie — puskavuju ŭstanoŭku Black Hornet VRS. Jana dazvalaje abstalavać mašyny sistemaj nazirańnia i raźviedki. Black Hornet VRS mancirujecca zvonku i całkam intehrujecca ŭ transpartny srodak, stvarajučy sistemu, jakaja zabiaśpiečvaje mahčymaść vieści nazirańnie dla ekipaža, abaronienaha ŭnutry transpartnaha srodku.
Puskavaja ŭstanoŭka Black Hornet VRS na braniravanaj bajavoj mašynie. Fota: dronomania.ru
Asnoŭnaje prymianieńnie biespliotnikaŭ Black Hornet — heta raźviedka ŭ situacyjach, kali vorah znachodzicca davoli blizka i šturm zakrytych pamiaškańniaŭ. Bieśpiłotnik stvorany, kab źnizić straty siarod asabistaha składu vajskoŭcaŭ i zrabić vyviedku bolš efiektyŭnaj.
Aparat užo vyprabavany ŭ armijach NATA. U 2013 hodzie brytanski major Adam Foden raspavioŭ Daily Mail, što Black Hornet byŭ karysnym na poli boju ŭ Afhanistanie. «Raniej my pasyłali sałdat napierad, kab pravieryć, ci nie chavajucca varožyja bajcy ŭ šerahu budynkaŭ», — skazaŭ jon. — Ciapier my nakiroŭvajem Black Hornet, kab zazirnuć unutr i prakłaści maršrut praz terytoryi, zaniatyja voraham».
Staić jon i na ŭzbrajeńni armii Francyi. Fota: YouTube
Ahulnaja suma pastavak hetych bieśpiłotnikaŭ va Ukrainu — 9 miljonaŭ dalaraŭ razam z navučańniem.
Čytajcie jašče:
Hiermanija daść Ukrainie vysokadakładnyja snarady Vulcano. Što heta za zbroja?
Ukraincy nabyli praryŭny spadarožnik na hrošy z Bajraktaraŭ. Raskazvajem, jakija pieravahi jon im daje i jak pracuje
ZŠA płanujuć pieradać Kijevu kiravanyja snarady Excalibur
