Fota: Pamiežny kamitet
Učora byŭ abnarodavany ŭkaz Łukašenki №280, jakim unosiacca źmianieńni va ŭkaz ad 2 lipienia 2015 hoda №305 «Ab sistemie elektronnaj čarhi transpartnych srodkaŭ u punktach propusku».
Ciapier budzie admienienaja pasłuha płatnaha braniravańnia času ŭjezdu ŭ punkt propusku z zony čakańnia, ujezd u zonu čakańnia budzie ažyćciaŭlacca ŭ paradku žyvoj čarhi, a ŭsie transpartnyja srodki pry ŭjeździe ŭ zonu čakańnia pavinny apłacić rehistracyju ŭ sistemie elektronnaj čarhi.
Adnak Pamiežny kamitet źviartaje ŭvahu na toje, što prajekt źmianieńniaŭ i dapaŭnieńniaŭ u pastanovu Saŭmina №1130 «Ab sistemie elektronnaj čarhi transpartnych srodkaŭ u punktach propusku i zabieśpiačeńni pamiežnaj biaśpieki» tolki raspracoŭvajecca.
Źmieny ŭstupiać u siłu tolki paśla aficyjnaha apublikavańnia novaj redakcyi pastanovy ŭrada.
