«Heta niezakonnaje budaŭnictva i asnoŭnyja varoty dla zabieśpiačeńnia rasijskaha vojska ŭ Krymie. Takija abjekty pavinny być źniščanyja», — zajaviŭ Padalak.
Jon taksama skazaŭ, što ŭ najbližejšyja dva-try miesiacy ŭ Krymie mohuć adbycca novyja ataki, padobnyja niadaŭnim vybucham na vajennym składzie ŭ Džankojskim rajonie i na aeradromach u Navafiodaraŭcy i Hvardziejskim.
Ukraina aficyjna admaŭlała suviaź z vybuchami, ale nieaficyjna paćviardžała, što datyčnaja da vybuchaŭ na aeradromie ŭ Navafiodaraŭcy.
«Naša stratehija zaklučajecca ŭ tym, kab źniščyć łahistyku, linii zabieśpiačeńnia, składy bojeprypasaŭ i inšyja abjekty vajennaj infrastruktury [Rasii]. Heta stvaraje chaos siarod rasijskich sił», — skazaŭ Padalak.
U lipieni źjavilisia paviedamleńni, što rasijskija vojski značna ŭzmacnili achovu Krymskaha mosta.
