Pra zamach na Huru siońnia paviedamiła RIA Novosti. Pavodle ich infarmacyi, na Huru napali pobač ź jahonym domam. Nieviadomyja rasstralali jaho ź pistaleta Makarava, na miescy nibyta vyjaŭlenyja strelanyja hilzy ad PM.
Paźniej rasijski vajenkar Juryj Kacianok paviedamiŭ, što Vital Hura pamior paśla zamachu, kali ciažka paranienaha čynoŭnika pieravozili ŭ Krym.
Aficyjnaha paćviardžeńnia hetaj infarmacyi niama.
Akramia taho, učora ŭ ciažkim stanie ŭ Maskoŭski NDI Sklifasoŭskaha špitalizavali kiraŭnika akupacyjnaj administracyi Chiersonskaj vobłaści Uładzimira Salda. Adnoj z pryčyn paharšeńnia zdaroŭja nazyvajuć vierahodnaje atručvańnie. Aficyjnych kamientaroŭ z hetaj nahody niama.
24 červienia ŭ Chiersonie byŭ uzarvany ŭ aŭtamabili kiraŭnik upraŭleńnia akupacyjnaj administracyi vobłaści pa moładzievaj palitycy Dźmitryj Saŭłučenka.
Abnoŭlena. Praź niekalki hadzinaŭ infarmacyju pra śmierć Hura paćvierdziła TASS sa spasyłkaj na Kaciarynu Hubaravu, tak zvanuju namieśnicu kiraŭnika vajskova-hramadzianskaj «administracyi» akupavanaj Chiersonskaj vobłaści.
