Aleh Ramanaŭ
Pavodle Ramanava, u «forumie» źbirajucca pryniać udzieł «14 subjektaŭ hramadzianskaj supolnaści». Heta, jak jon vykazaŭsia, «asnoŭnyja hramadskija abjadnańni kanstruktyŭnaj nakiravanaści i niekalki palityčnych partyj Biełarusi». Ich kiraŭniki buduć na mierapryjemstvie vystupać z dakładami.
Jak zajaŭlajecca, asnoŭnaja zadača «forumu» — «źvieryć hadzińniki pa pytańni dalejšaha raźvićcia hramadzianskaj supolnaści». Udzielniki praanalizujuć, jakija ŭroki atrymanyja i jakija jašče daviadziecca atrymać z vopytu «masavych biesparadkaŭ 2020 hoda». «Budzie vyniesienaje na abmierkavańnie pytańnie, ci treba nam udaskanalvać partyjnuju sistemu dla taho, kab jana mieła bolšuju vahu ŭ palityčnym žyćci našaj krainy i sadziejničała prahresiŭnamu raźvićciu našaj dziaržavy», — skazaŭ staršynia «Biełaj Rusi».
Mierapryjemstva źbirajucca pravieści ŭ Kupałaŭskim teatry.
Praviadzieńniem «forumu» akurat u hety čas chočuć, vidać, prademanstravać alternatyvu mierapryjemstvu, jakoje budzie adnačasova pravodzicca pa inicyjatyvie Ofisa Śviatłany Cichanoŭskaj u Vilni.