Adkaz z admovaj pisać na tavarach u tym liku pa-biełarusku atrymaŭ hramadski aktyvist Ihar Słučak.
Tavarystva z abmiežavanaj adkaznaściu «Mars SIEAB» nie dadaść biełaruskuju movu na ŭpakoŭku. Pra heta napisaŭ u aficyjnym adkazie na zvarot Michaił Siehień, hienieralny dyrektar biełaruskaha pradstaŭnictva kampanii. Jon spasłaŭsia na STB 1100-2016, dzie napisana, što «infarmacyja dla spažyŭcoŭ u vyhladzie tekstu nanosicca na ruskaj, albo na ruskaj i biełaruskaj movach».
Abarot u 35 miljardaŭ dalaraŭ nie dazvalaje kazać pra toje, što pytańnie ŭ hrošach i adsutnaści kvalifikavanych pierakładčykaŭ — u vytvorcy 130 tysiač supracoŭnikaŭ», — napisaŭ Ihar Słučak pa atrymańni lista ŭ adkaz i źmiaściŭ jaho frahment u Fejsbuku.
«Darečy, normy ŭsio ž parušanyja. Bo STB, na jaki zaŭždy spasyłajucca vytvorcy, nieabaviazkovy dla vykarystańnia. A voś Kanstytucyja — abaviazkovaja», — dadała jaho žonka Alina Nahornaja, majučy na ŭvazie, što hałoŭny zakon krainy pryznaje adnolkavyja pravy za dźviuma movami. — Kožny maje prava karystacca rodnaj movaj, vybirać movu znosin. Dziaržava harantuje, u adpaviednaści z zakonam, svabodu vybaru movy vychavańnia i navučańnia».
