«Spadarožnikavyja zdymki demanstrujuć, što paškodžany tolki adzin budynak. Mienavita ŭ jaho pieraviali pałonnych prosta pierad teraktam. Analiz fota śviedčyć pra termabaryčny vybuch znutry. Udar? Nie, terakt», — napisaŭ Padalak u Tvitary, apublikavaŭšy spadarožnikavyja zdymki da i paśla vybuchu.
Adzin z barakaŭ papraŭčaj kałonii ŭ pasiołku Alenaŭka Danieckaj vobłaści byŭ razburany ŭ noč z 28 na 29 lipienia. Zahinuli jak minimum 50 ukrainskich vajennapałonnych, jakich tam utrymlivali.
Prarasijskija bajeviki i Ministerstva abarony Rasii zajavili, što pryčynaj staŭ nibyta abstreł z boku ŭkrainskich siłaŭ. Ale Hienštab Uzbrojenych siłaŭ Ukrainy padkreśliŭ, što ŭkrainskija vajskoŭcy nie rabili artyleryjskich abo rakietnych abstrełaŭ Alenaŭki i abvinavacili ŭ źniščeńni ŭkrainskich vajennapałonnych rasijskich vajskoŭcaŭ.
Raniej ukrainskija ŭłady zajavili, što da hibieli vajennapałonnych mahło pryvieści zakładzienaje vybuchovaje prystasavańnie, jakoje spracavała.
Amierykanski Instytut vyvučeńnia vajny taksama śćviardžaje, što paškodžańnie, jakoje atrymaŭ budynak — «heta nie tyja paškodžańni, jakija moh by nanieści ŭdar rakietami HIMARS», jak pra heta zajaŭlaŭ rasijski bok.
Čytajcie taksama:
Hałoŭnakamandujučy USU: My adpomścim za ŭsie źvierstvy rasijan nad našymi pałonnymi
Słužba biaśpieki Ukrainy apublikavała pierachop razmovy pra trahiedyju ŭ Alenaŭcy
53 ukrainskija pałonnyja zahinuli pry vybuchu ŭ baraku za 10 km ad linii frontu. Pry hetym nie zahinuŭ nivodzin kanvair
