Palitviaźnia Dźmitryja Duboŭskaha, asudžanaha da 18 hadoŭ kałonii, na Dzień naradžeńnia źmiaścili ŭ ŠIZA. Pra heta napisała ŭ sacsietkach jaho siastra Julija Duboŭskaja.

29 lipienia palitviaźnia kinuli ŭ štrafny izalatar na 10 sutak. U vyniku jon nie trapiŭ na zapłanavanaje karotkaterminovaje spatkańnie ź siastroj.

Pry hetym raniej jaho pazbavili praciahłaha spatkańnia — tak robiać z usimi palitźniavolenymi ŭ niekatorych kałonijach.

Taksama Dźmitryja pa prybyćci ŭ kałoniju pastavili na prafulik jak «schilnaha da ŭciokaŭ» — ciapier jon nosić čyrvonuju birku. Heta taksama typova dla abychodžańnia z palitviaźniami.

Duboŭski naležyć da «hrupy Alinieviča» — anarchistaŭ, jakich abvinavacili ŭ padpale słužbovych aŭtamabilaŭ la budynka prakuratury ŭ Salihorsku, a taksama budynka DAI ŭ Mazyry. Sud nad imi adbyvaŭsia ŭ zakrytym režymie.

Adras Źmitra Duboŭskaha: PK №3, 211322, Viciebskaja vobłaść, h.p. Vićba, Dźmitryju Mikałajeviču Duboŭskamu.

Čytajcie taksama: «Dušyli pakietam, zrezali skuru na piatach». Adzin z asudžanych pa «spravie anarchistaŭ-partyzanaŭ» raskazaŭ pra katavańni ŭ turmie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?