Delfi.lt
U samym centry horada, pobač z haścinicaj Amberton pasiarod darohi spyniŭsia mužčyna ŭ siniaj maskirovačnaj uniformie i ŭ čornaj skuranoj kurtcy. Palicyjanty paprasili jaho vyzvalić darohu i syści na chodniki. Paśla doŭhaj dyskusii mužčyna padparadkavaŭsia, ale potym znoŭ vyskačyŭ na darohu i pajšoŭ pierad palicejskimi na matacykłach, jakija jechali napieradzie kałony.
Palicyjanty niejki čas jechali za im, ale potym adcisnuli jaho da abočyny. Tady mužčyna źniaŭ čornuju kurtku. Palicyjanty zaŭvažyli na uniformie simvały rasijskaj armii, adzin ź simvałaŭ — emblema HRU — čorny kažan.
Na levym rukavie była emblema US RF. Mužčyna prademanstravaŭ malunak na skuranoj kurtcy: paruśnik. Palicyjanty zatrymali mužčynu.
Na pytańnie žurnalista, čamu jon pieraškadžaŭ šeściu, toj na łamanaj litoŭskaj adkazaŭ, što źjaŭlajecca kamiendantam Miemielskaha zamka i pavinien uznačalvać šeście. Palicyja vyklikała padmacavańnie, i «kamiendanta» ŭ kajdankach pavieźli.
Šeście praciahnułasia.
Delfi.lt
