Luboje adkryćcio pavinna być da čahości prymierkavanaje

Fota: hazieta «Savieckaja vioska»

Fota: hazieta «Savieckaja vioska»

Jak rapartuje drybinskaja rajonka, tematyčnuju kvest-placoŭku dla dziaciej adkryli «u ramkach moładzievaha abłasnoha prajekta «Naślednikam vialikaj Pieramohi», jaki pravodzicca ŭ Hod histaryčnaj pamiaci.

Adznačajecca, što adkryćcio dziciačaj placoŭki — padzieja nie šarahovaja, a jaje nazva pryśviečanaja pamiaci lotčyka 46-ha hvardziejskaha načnoha bambardzirovačnaha avijacyjnaha Tamanskaha Čyrvonaściažnaha i ordena Suvorava pałka.

Na adkryćci pavinien prysutničać uvieś aktyŭ rajona. Nu i kudy bieź ściahoŭ

U adkryćci dziciačaj placoŭki ŭziała ŭdzieł usia elita Drybina: kiraŭnica Drybinskaha rajonnaha vykanaŭčaha kamiteta, staršynia rajonnaha Savieta deputataŭ, namieśnik načalnika hałoŭnaha kantrolna-analityčnaha ŭpraŭleńnia Mahiloŭskaha abłvykankama, namieśniki kiraŭnika rajvykankama, a taksama kiraŭniki pradpryjemstvaŭ i arhanizacyj rajona.

Taksama adznačajecca, što ŭ baku nie zastalisia «Biełaja Ruś», «Fond mira», Mahiloŭskaja asacyjacyja deputataŭ, miascovaja ŽKH, a taksama adździeł pa adukacyi rajvykankama i dziciačaja škoła mastactvaŭ.

Nu i kudy na adkryćci kvest-placoŭki ŭ Hod histaryčnaj pamiaci bieź ściahoŭ: dziaržaŭnaha, vobłaści, rajona, pijanierskaj arhanizacyi i inšych.

Treba nadać zvyčajnamu abjektu infrastruktury dadatkovyja sensy

Jak adznačyŭ na adkryćci namieśnik načalnika hałoŭnaha kantrolna-analityčnaha ŭpraŭleńnia Mahiloŭskaha abłvykankama Eduard Padzirakin, adkryćcio dziciačaj placoŭki — danina pamiaci našym dziadam i pradziedam. Taksama vysoki hość vykazaŭ spadzieŭ, što dzieci buduć nadavać uvahu vyvučeńniu historyi svajoj rodnaj ziamli.

Kab realizavać heta na praktycy, na dziciačaj placoŭcy pastavili infarmacyjnyja stendy pra Vialikuju Ajčynnuju vajnu, kartu rajona i inšaje abstalavańnie.

Kab padkreślić maštab padziei, patrebnaja vialikaja fotaspravazdača, u jakoj možna ŭbačyć u asnoŭnym čynoŭnikaŭ

Na sajcie drybinskaj rajonki pad navinoj pra adkryćcio dziciačaj placoŭki raźmieščanyja 39 fotazdymkaŭ, tolki čverć ź jakich pryśviečana niepasredna dzieciam. Bolšaja častka — heta fota čynoŭnikaŭ.

Toje, što čynoŭniki ź luboha adkryćcia robiać pafasnuju cyrymoniju z čyrvona-zialonymi šarykami i ściahami, — daŭni pradmiet miemaŭ i fotažab. Ale, padobna, čym dalej, tym maštaby takich mierapryjemstvaŭ buduć usio mienš adpaviadać maštabam taho, što adkryvajecca. Asabliva heta tyčycca biednych rehijonaŭ, dzie pachvalicca niama čym.

@nashaniva Biełaruski art-chaŭs — siužet kabielnaha rehijanalnaha kanała pra adkryćcio fiermy z karusiellu dla karoŭČyrvona-zialonyja šaryki, čynoŭniki, śviatar i čałaviek u kaściumie karovy jak najlepšaja rola druhoha płana.#biełaruś #minsk #vicjebsk #brest #mahiloŭ #homjel #hrodna #naviny #minsknaviny #minsk #vitjebsk #brjest #mohilev #homjel #hrodno #novosti #minsknovosti #belarus #belarusnews #minsk #minsknews ♬ orihinalnyj zvuk - nashaniva

TEST: Što ŭračysta adkryvali biełaruskija čynoŭniki?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?