Kiroŭca, jaki dasłaŭ zapis, razvaročvaŭsia, ruchajučysia na strełku z adnačasova ŭklučanym asnoŭnym zialonym.

«Chacieŭ by padzialicca, na žal, «radavoj» situacyjaj, ź jakoj štodnia sutykajucca našy kiroŭcy. Budu ščyry, nie zmoh strymacca, tamu što ŭ šoku ad takoj «cikavaj» interpretacyi PDR kiroŭcam, jaki, mabyć, nie maje pravoŭ kiroŭcy ci daŭno zabyŭsia asnovy treciaha zaniatku ŭ aŭtaškole. Liču, što heta patencyjna niebiaśpiečny ŭdzielnik darožnaha ruchu, z-za jakoha zdarajucca trahiedyi», — tłumačyć svoj punkt hledžańnia aŭtar adnaho z rolikaŭ.

Kanflikt uźnik na pačatku rolika, adnak zatym historyja atrymała praciah: aŭtar videa na adnym z nastupnych skryžavańniaŭ spyniŭsia pobač ź inšaj mašynaj.

«Ja na strełku, nu i što? A ŭ ciabie pieraškoda sprava! — zapeŭnivaje kiroŭca druhoha aŭto, vyklikajučy praviedny hnieŭ aŭtara rolika. Zatym žančyna z susiedniaj mašyny prapanuje pačytać praviły, ale nie ŭdakładniaje jakija.

Nahadajem punkt 104 PDR: «Pry ruchu ŭ napramku strełki, uklučanaj u dadatkovaj siekcyi adnačasova z žoŭtym abo čyrvonym sihnałam śviatłafora, vadziciel abaviazany sastupić darohu transpartnym srodkam, jakija ruchajucca ź inšych napramkaŭ».

Клас
7
Панылы сорам
24
Ха-ха
5
Ого
0
Сумна
0
Абуральна
4