Šou — heta nie tolki samo mierapryjemstva, ale jašče i toje, što adbyvajecca za scenaj. Biełyja biarozki, impravizavanyja pałatki, pach hryboŭ, śpievy ptušak, krychu letniaj prachałody — i va ŭsioj hetaj raznastajnaści adčuvańniaŭ madelaŭ farbujuć, apranajuć, rychtujuć.
U zonie dla zboru haściej jak zaŭsiody sustrakajucca tvary samych aktyŭnych i zakachanych u modnuju industryju. Heta dyzajniery, fešn-błohiery, stylisty, žurnalisty, fatohrafy.
Hladzicie, što pakazali dyzajniery i stylisty.
Brend Lemongrass — heta sproba vialikaj vytvorčaści pačuć pažadańni spažyŭcoŭ. Pradpryjemstva «Kamvol» naniało dyzajnieraŭ, stylistaŭ, dało im naturalnyja tkaniny i nie zrezała palot fantazii. Što atrymałasia — acanicie sami.
A heta pakaz rečaŭ z sajta Lamoda, jaki stylizavała Kacia Hierman. Vykarystanyja pieravažna premium-brendy, jakija paprostu nie mohuć vyhladać drenna. Atrymałasia stylna, kidka i kruta.
Pakaz kramy biełaruskich dyzajnieraŭ Trend Park.
Jašče adzin šoŭrum z adzieńniem miascovych dyzajnieraŭ «Kancept Krama».
Trochi vybiŭsia z ahulnaj karciny pakaz maładoha dyzajniera Paŭła Kozina. Z hetaj kalekcyjaj jon, darečy, pieramoh na «Młynie mody».
Čaroŭnym vyjšaŭ pakaz adzieńnia brenda Ton-in-ton, dapoŭnienaha aksiesuarami Vedovka i art-bałakłavami Śviatłany Bast. Uźnikli asacyjacyi ź biełaruskimi kazkami i mifami, dzie sustrelisia rusałki, lasnyja nasielniki i inšyja piersanažy.
