Bred Pit kaža, što ŭ jaho moža być prozapahnazija. Što heta za miedycynski razład? 2

Fota: Jordan Strauss / Invision / AP

Halivudskaja zorka Bred Pit raskazaŭ u intervju, što jon maje prozapahnaziju — redki nieŭrałahičny razład, źviazany ź niazdolnaściu raźličać tvary i/ci zapaminać ich. Pitu nikoli nie stavili hety dyjahnaz, ale, pa jaho słovach, jon užo šmat hadoŭ adčuvaje simptomy prozapahnazii, piša New York Times.

Jakija simptomy maje prozapahnazija?

Hety razład nie źviazany sa strataj pamiaci, prablemami sa zrokam ci z vyvučeńniem čahości novaha. Nie treba taksama błytać prozapahnaziju ź niazdolnaściu raźličać kolery ci zabyŭčyvaściu.

Prozapahnazija moža mieć rozny stupień ciažkaści. Niekatorym ludziam z hetym razładam moža być składana paznać kahości znajomaha, naprykład, siabra ci svajaka, inšyja ž nie mohuć adroźnić navat ułasny adbitak u lustry. Jość i tyja, kamu ciažka pabačyć roźnicu pamiž tvarami i abjektami.

Mierkavana, takija ludzi mohuć taksama pakutavać na chraničnuju tryvohu ci na depresiju pa pryčynie izalacyi i strachu, źviazanych z prozapahnazijaj. Z hetym razładam moža być ciažka ažyćciaŭlać navat samuju prostuju kamunikacyju, i nie katoryja ludzi paźbiahajuć kantaktaŭ ź blizkimi svajakami ci siabrami, bo bajacca, što nie zdolejuć ich paznać. Chvaroba moža vielmi vymotvać, i inšym ludziam moža być ciažka zrazumieć, što adčuvaje čałaviek z takim razładam.

Što vyklikaje prozapahnaziju?

Ludziej z hetym razładam možna padzialić na dźvie katehoryi: tyja, chto ź im naradžajucca, i tyja, chto nabyvajuć jaho paźniej u žyćci.

Navukoŭcy ličać, što pryrodžanaja prozapahnazija sustrakajecca nie nadta časta, chacia jość danyja, što na jaje mohuć pakutavać 2% ludziej, i što hetaja chvaroba pieradajecca ŭ spadčynu. Navukoŭcy nie zafiksavali ŭ mozhu takich ludziej nijakich vidavočnych strukturnych anamalij, tamu jany i nie mohuć dakładna skazać, što vyklikaje hety stan.

Tyja ž, što atrymlivaje prozapahnaziju paźniej u žyćci, mohuć mieć niejkija źmieny ŭ mozhu, atrymanyja, naprykład, praz traŭmu. Taksama prozapahnazija časam źjaŭlajecca ŭ tych, chto pieražyŭ insult ci maje chvarobu Alchiejmiera.

Ci isnuje lačeńnie ad prozapahnazii?

Lačeńnia ad razładu nie isnuje, ale jość sposaby palehčyć svajo žyćcio ź im. Naprykład, kab adroźnić ludziej adzin ad adnaho, chvoryja na prazapahnaziju časta źviartajuć uvahu na koler ich vałośsia, pachodku ci hołas.

Kab pastavić dyjahnaz, nieŭrołahi pravodziać sieryju testaŭ, što dapamahajuć acanić zdolnaść ludziej paznavać tvary i zapaminać ich. Heta moža zaniać šmat času, bo miedyki taksama sprabujuć vyklučyć vierahodnaść bolš surjoznaj chvaroby, pra jakuju moža sihnalizavać prozapahnazija. Ale ž šmat chto ź ludziej, jakija majuć simptomy prozapahnazii, tak i nie atrymajuć aficyjna hety dyjahnaz.

Ćvil i hnil. Damy, što Bred Pit pabudavaŭ dla biednych, razvalvajucca na vačach

«Hety dzień vy zapomnicie, bo ledźvie nie złavili Kapitana Džeka Vierabja!» Džoni Dep viartajecca ŭ franšyzu pra pirataŭ?

1

2

1

5

7

3

Nashaniva.com