Ekspart tavaraŭ pamienšyŭsia na 4,4% i skłaŭ 13 974,1 młn dalaraŭ (u studzieni-mai 2021 hoda — 14 616,4 młn dalaraŭ).
Impart skaraciŭsia na 8,5% — da 14 278,7 młn dalaraŭ (u 2021 hodzie — 15 597,5 młn dał.).
Salda pa vynikach studzienia-maja 2022 hoda akazałasia admoŭnym (—304,6 młn dalaraŭ), ale źmienšyłasia ŭ paraŭnańni ź minułym hodam (—981,1 młn dalaraŭ).
Ekspartnyja pastaŭki ŭ krainy SND i JEAES u hrašovym vyražeńni vyraśli ŭ paraŭnańni z 2021 hodam, pra što śviedčać abnoŭlenyja statystyčnyja źviestki. Ale hety rost šmat u čym sfarmavany za košt pavieličeńnia ekspartu ŭ Rasiju.
Tavaraabarot z krainami pa-za SND u studzieni-mai biahučaha hoda skłaŭ 10 030,7 młn dalaraŭ (—18,9% da ŭzroŭniu minułaha hoda), ekspart — 5 266,5 młn dalaraŭ (—15%), impart — 4 764,2 młn dalaraŭ (—22,8%).
U studzieni-mai 2022 hoda tavaraabarot Biełarusi i krain Jeŭrasajuza skłaŭ 4 697,3 młn dalaraŭ (—25% da ŭzroŭniu 2021 hoda). Ekspart skaraciŭsia na 21% — da 2 904,2 młn dalaraŭ, impart upaŭ na 30,8% — da 1 793,1 młn dalaraŭ.
U pieršym kvartale 2022 hoda biełaruski tavarny ekspart prademanstravaŭ rost u adnosinach da anałahičnaha pieryjadu minułaha hoda (8 725,9 młn dalaraŭ suprać 8 313,4 młn dalaraŭ). Ale zatym pastaŭki na źniešni kontur pačali prasiadać i pa vynikach piaci miesiacaŭ možna nazirać skaračeńnie ekspartu.
