Siastra anarchista Dźmitryja Duboŭskaha, asudžanaha da 18 hadoŭ kałonii, napisała, što palitviazień u kałonii ciapier chodzić z čyrvonaj birkaj. Heta značyć, što administracyja pastaviła jaho na prafiłaktyčny ŭlik jak «schilnaha da ŭciokaŭ».
Ad byłych viaźniaŭ viadoma, što źniavolenych z čyrvonymi birkami nie vodziać na pramzonu. Akramia hetaha, Dźmitryja pazbavili praciahłaha spatkańnia.
Pravaabaroncy pryvodziać uryvak lista palitviaźnia ad 16 červienia: «Nu, a ŭ astatnim, usio stabilizujecca, dni padobnyja adzin da adnaho, sprabuju vypracavać dla siabie rasparadak i ŭsio takoje. Adnak adnych maich žadańniaŭ i płanaŭ tut niedastatkova… I tak, ty maješ racyju, z banderollu, mabyć, treba paśpiašacca, jak i z mnohimi inšymi momantami. Zrešty, pra vierahodnyja abmiežavańni i straty my z taboj užo nie raz kazali, tak što ciešyć siabie, jak i pryvykać da dobraha, nie varta…»
Dźmitryja možna padtrymać listami i paštoŭkami: PK № 3, 211322, Viciebskaja vobłaść, h.p. Vićba, Dźmitryju Mikałajeviču Duboŭskamu.
