Matevuš Piskorski
«Sproby destabilizacyi situacyi ŭ Biełarusi, liču, źviazanyja tak ci inakš z tym, što ŭ Biełarusi atrymałasia jak u adzinaj krainy našaha rehijonu Jeŭropy stvaryć svaju ŭnikalnuju sacyjalna-ekanamičnuju sistemu. Hetaja ŭnikalnaja madel, naturalna, nie padabajecca hłabalistam, anhłasaksam i inšym centram siły», — skazaŭ Matevuš Piskorski.
Jon śćviardžaje, što Polšča nie pravodzić samastojna svaju źniešniuju palityku, vykonvajučy zakazy kurataraŭ.
Nahadajem, chto taki Piskorski.
Svaju palityčnuju karjeru jon pačynaŭ va ultrapravych i nieapahanskich ruchach. Časopis Odala, jaki Piskorski vydavaŭ na praciahu 90-ch i na pačatku 2000-ch hadoŭ, nieadnarazova publikavaŭ artykuły, u jakich admaŭlałasia isnavańnie Chałakostu.
Matevuš Piskorski
Akramia taho, Piskorski apraŭdvaŭ dziejańni Treciaha Rejchu i zaklikaŭ stvaryć «Słavianskuju impieryju», nazyvajučy jaje «adzinaj nadziejaj dla biełaj rasy», adznačaje The Times.
Z pačatku 2000-ch hadoŭ rehularna naviedvaŭ Rasiju, dzie sustrakaŭsia ź miascovymi nieanacystami. Piskorski maje antyhłabalisckija, antyamierykanskija, antykapitalistyčnyja i jeŭrazijskija pohlady. Piskorski niekalki razoŭ byŭ naziralnikam na biełaruskich vybarach.
U 2014 hodzie jon byŭ naziralnikam na «refierendumie» ŭ Krymie. Taksama Piskorski rehularna kamunikavaŭ ź sieparatystami na ŭschodzie Ukrainy, jakich padtrymlivaje Rasija.
U mai 2016 hoda jaho zatrymali polskija śpiecsłužby pa abvinavačvańni ŭ supracoŭnictvie z rasijskaj i kitajskaj raźviedkami.
Amal 3 hady jon prasiadzieŭ u izalatary. 16 maja 2019 hoda jaho vypuścili z varšaŭskaha śledčaha izalatara pad zakład da vierdyktu suda.
Akramia supracoŭnictva ź biełaruskimi dziaržaŭnymi ŚMI, Piskorski rehularna kamientuje padziei ŭ Polščy dla rasijskich prapahandysckich miedyja.
