«U ciapierašni čas u Minsku adznačajecca siezon aktyŭnaści klaščoŭ, praz ukus jakich mohuć pieradavacca ŭzbudžalniki «kleščavych infiekcyj», ź ich na terytoryi stalicy rehistrujucca chvaroba Łajma i kleščavy encefalit. Za 5 miesiacaŭ hetaha hoda ŭ Minsku adznačajecca pamianšeńnie ŭzroŭniu pakusaŭ iksodavymi klaščami na 10% u paraŭnańni z anałahičnym pieryjadam 2021 hoda. Napadzieńnie klaščoŭ čaściej adbyvaŭsia ŭ lesie, sielskaj miascovaści i na zaharadnych dačnych učastkach. Pry zvarocie pa miedycynskuju dapamohu ŭ 19% vypadkaŭ pacyjenty ŭkazvali, što ŭkus adbyŭsia na terytoryi horada i zamacavanych pryharadnych zon adpačynku», — adznačajuć śpiecyjalisty.
Dzie ž nam nieabchodna prajavić asablivuju pilnaść?
Lesapark «Drazdy», lasny masiŭ Cnianskaha vadaschovišča, lesapark «Zialony Łuh», lesapałosy na vulicy Skaryny. A jašče ekałahičnaja ściežka «Lasnoje voziera», fruktovy sad na Rafijeva, lesapark «Miadźviedžyna» i ekałahičnaja ściežka «Miadźviedžyna». Navinki siezona — azialenienaja terytoryja pa vuł. Łosika — Siemianiaki, lesapałasa pa vuł. Hurćjeva — Fohiela, plaž №9 Zasłaŭskaha vadaschovišča.
Ekaściežki «Srebrany Łoh» i «Horad ptušak», a taksama park Hrekavaj i Civali źnikli sa śpisu. Mabyć, niezdarma ŭ horadzie pravodziacca łakalnyja apracoŭki ad klaščoŭ. Ale ŭsio ž heta nie značyć, što ciapier u hetych miescach možna bieskłapotna katacca pa traŭcy. Pilnaść — naša ŭsio.
Čytajcie taksama:
Hienijalny sposab abaranicca ad klaščoŭ, pra jaki vy nie čuli! Z dośviedu polskich leśnikoŭ
