Amierykanskaja reaktyŭnaja sistema załpavaha ahniu HIMARS. Fota: Vikipiedyja
«Da kanca miesiaca my pieradamo sistemy HIMARS, bojeprypasy i padrychtavany ekipaž dla apieracyjnaha prymianieńnia ŭ abaronie Ukrainy», — adznačyŭ jon.
Mili dadaŭ, što na siońnia ZŠA zabiaśpiečyli navučańnie 420 ukraincaŭ na haŭbicach M777, 300 ukraincaŭ — na samachodnych haŭbicach M109, 129 ukraincaŭ — na bronietransparciorach M113, jašče 100 — na bieśpiłotnikach, i 60 — na HIMARS.
Akramia taho, jon pieraličyŭ ahulny abjom dapamohi ZŠA Ukrainie ŭ śfiery abarony: heta bolš za 60 tysiač Javelin, bolš za 5000 Stinger, bolš za 700 dronaŭ Switchblade, 20 viertalotaŭ Mi-17 i sotni tysiač bojeprypasaŭ dla strałkovaj zbroi.
U cełym ža, pa słovach amierykanskaha hienierała, Ukraina atrymała ad mižnarodnych partnioraŭ 97 tysiač supraćtankavych sistem, što «bolš, čym tankaŭ va ŭsim śviecie».
Akramia taho, prezident ZŠA Džo Bajden u sieradu pravioŭ telefonnyja pieramovy z ukrainskim kaleham Uładzimiram Zialenskim, u jakich paćvierdziŭ vyłučeńnie Kijevu miljarda dalaraŭ dapamohi na abaronu. A kiraŭnik Ministerstva abarony ZŠA Łojd Ościn paćvierdziŭ, što ŭ novym pakiecie biaśpieki ad ZŠA buduć bojeprypasy dla reaktyŭnych sistem załpavaha ahniu i supraćkarabielnyja rakiety Harpoon.
